سان فرانسسکو۔19مئی (اے پی پی):امریکا کی ریاست ایڈاہو میں ٹرک اور وین میں تصادم کے نتیجے میں 6 افراد ہلاک اور 10 زخمی ہوگئے۔
شنہوا کے مطابق ایڈاہو سٹیٹ پولیس نے ایک بیان میں کہا کہ حادثہ بونیویل کاؤنٹی کے ایڈاہو فالس میں پیش آیا۔پولیس کے مطابق وین کا ڈرائیور اور پانچ مسافر جائے وقوعہ پر ہی ہلاک ہو گئےجبکہ وین میں سوار زخمی نو دیگر مسافروں اور پک اپ کے ڈرائیور کو ہسپتال میں داخل کرادیا گیا۔