اسٹیٹ بینک نے بیرون ملک مقیم پاکستانی ورکرز کی اپنے خاندانوں کو بھیجے جانے والی ترسیلات زر کی تفصیلات جاری کردیں۔
تفصیلات کے مطابق دسمبر 2025ء کے دوران کارکنوں کی ترسیلات زر کی مد میں 3.6 ارب امریکی ڈالر موصول ہوئے۔
نمو کے لحاظ سے کارکنوں کی ترسیلات زر میں سال بسال 16.5 فیصد اور ماہ بماہ 12.6 فیصد اضافہ ہوا۔
مالی سال 2026ء کی پہلی ششماہی کے دوران مجموعی طور پر موصول شدہ ترسیلات زر 19.7 ارب ڈالر تک پہنچ گئیں جو 10.6 فیصد اضافہ ہے، جبکہ گذشتہ برس کی اسی مدت میں 17.8 ارب ڈالر موصول ہوئے تھے۔
دسمبر 2025ء کے دوران ترسیلات زر کا بڑا حصہ سعودی عرب (813.1 ملین ڈالر)، متحدہ عرب امارات (726.1 ملین ڈالر)، برطانیہ (559.7 ملین ڈالر) اور امریکا (301.7ملین ڈالر) سے موصول ہوا۔