آئرن، خُدا کا خاص دوست ! پاکستانی شوبز انڈسٹری کی 7 مشہور شخصیات کے سب سے الگ نام جن کے دلچسپ معنی اب آپ کو بھی پسند آئیں گے

پاکستان میں صرف مسلمان ہی نہیں بلکہ دیگر مذاہب سے تعلق رکھنے والے لوگ بھی آباد ہیں جو بناء کسی تکلیف کے اس ملک میں رہ رہے ہیں اور اچھے اداروں میں کام کر رہے ہیں۔ اب جیسے پاکستانی شوبز انڈسٹری میں کئی اداکار موجود ہیں جو مسلمان نہیں بلکہ عیسائی ہیں لیکن اتنے مل جل کر رہتے ہیں کہ کسی کو اندازہ ہی نہیں ہوتا کہ وہ مسلمان نہیں ہیں۔

ان کے نام ضرور ہم سے مختلف ہیں لیکن معنیٰ بالکل ہمارے ناموں کی طرح سادہ اور آسان ہیں جن کو نام کر آپ بھی یہ نام رکھ سکتے ہیں۔ آج کل تو مختلف تہذیبوں کے ناموں کو بھی خوب پسند کیا جاتا ہے اور لوگ اپنے بچوں کے لیے منتخب کرتے ہیں۔

بینیتا ڈیوڈ:

بینیتا ڈیوڈ عیسائی مذہب سے تعلق رکھتی ہیں اور پاکستانی ڈرامہ انڈسٹری میں بینیتا کا ایک الگ نام ہے۔ بینیتا کے معنی ہیں: " خوبصورت، اچھی شخصیت، خدا کا تحفہ"۔ یہ ایک ہندو نام ہے مگر عیسائیوں میں بھی یہ نام بہت زیادہ رکھا جاتا ہے۔ بینیتا نام کے لوگوں کو چالاک اور موقع کی تلاش رہتی ہے تاکہ اپنے مقاصد کو مکمل کرسکیں۔

جیا علی:

جیا علی بھی عیسائی ہیں اور بڑے عرصے سے پاکستانی انڈسٹری سے منسلک ہیں۔ جیا نام کے معنی ہیں: " تخلیقی، فعال، خوش مزاج، مستحکم، پر اعتماد"۔ جیا نام صرف عیسائی یا ہندو نہیں بلکہ مسلمان بھی رکھتے ہیں۔ انہوں نے ایک مسلمان کوچ اور بزنس مین سے 2021 میں شادی کی۔ جیا نام کے لوگ گہری سوچ رکھتے ہیں اور ناکامی سے ہر روز سبق سیکھتے ہیں تاکہ کامیابی جلد حاصل کرسکیں۔

شبنم:

پاکستان کی مشہور و معروف اداکارہ شبنم کا اصل نام جھرنا بسک ہے۔ یہ ہندو خاندان سے تعلق رکھتی ہیں۔ جھرنا نام کے معنی ہیں: " دریا، بہتی ہوئی ندی، سریلی آواز والی"۔ شبنم نام کی خواتین ہر رشتے کو بخوبی نبھانا جانتی ہیں۔ یہ ہر کام کو بہترین انداز ست نبھانا جانتی ہیں۔

سنیتا مارشل:

سنیتا مارشل بھی عیسائی مذہب سے تعلق رکھتی ہیں۔ یہ اپنی بہترین اداکاری اور خوبصورتی کی وجہ سے مشہور ہیں۔ سنیتا کے معنی ہیں: " رحمدل، خوش اخلاق، کم گو، شاہستہ، ذہین" ۔ اس نام کی خواتین کو غصہ جلدی آتا ہے لیکن ضبط کرنے کا ہنر کمال ہے۔

انیتا کیمفر:

انیتا کیمفر جو کئی سالوں سے پاکستان شوبز انڈسٹری میں اپنے منفرد کرداروں کی وجہ سے مشہور ہیں۔ کبھی ماں کا کردار کرتی ہیں تو کبھی آیا کا تو کبھی مظلوم عورت کے روپ میں نظر آتی ہیں۔ اس نام کی لڑکیاں اپنی پسند کو حاصل کرنے کے لیے ہر حربہ اپنا لیتی ہیں۔ انیتا نام کے معنی ہیں: " دل کو اچھی لگنے والی، حسین، خوبصورت، دل پسند "۔

آئرن پروین:

آئرن پاکستان کی تاریخ میں ایک بڑی مشہور گلوکارہ رہیں۔ انہوں نے کچھ ایسے گیت گائے کہ آج بھی ان کا نام سنہرے حرفوں میں لکھا جاتا ہے۔ اس کے نام کے معنی ہیں: '' مقدوس، سب سے زیادہ مقدس، جس کی آرزو کی جائے، خُدا کا پسندیدہ، خُدا کا خاص دوست۔''

ازیکا ڈینئیل :

پاکستانی ڈراموں میں سنجیدہ اور منفی کردار نبھانے والی ازیکا ڈینیئل کے نام کے معنی ہیں: " طاقت کی دیوار، مضبوط، چٹان، پریشانی کا سامنا کرنے والی۔" ازیکا نام اب مسلمان بھی رکھ رہے ہیں۔ یہ پاکستانی نام ازکیٰ سے ملتا جلتا ہے۔