Azaad ya Ghulam?

Asalam O Alaikum Pakistan ! 23 March 1940 Ki Resolution K Mutabiq All India Muslim League Ka Mutaliba Ek Azaad Riyasat Ka Qayaam Tha Jis Main Muslim Apne Liye Ek Khud Mukhtar Riyasat Ka Hasool Chahtey They Jis Main Woh Apne Mazhab K Mutabiq Zindagi Guzaar Saken 14 August 1947 Ko Allah K Ehsan-E-Azeem Se Yeh Khuwab Sharminda-E-Tabeer Hua. Aaj 2008 Main Wohi Pakistan Waqt K Mir Jafar Aur Mir Sadiq Jese Ghadaron Ki Badaulat Haath Se Nikalta Nazar Aaraha Hai (Khuda Na Khuwasta) Kuch Siyasi Parties Ek Naara Lagati Hain K CHEHREY NAHI NIZAM KO BADLO,,,Yeh Ek Talkh Haqiqat Hai K Humen Sach Much Nizam Ko Badalna Hai Lekin Is Maqsad K Liye BILI K GALEY MAIN GHANTI BANDHEY KAUN Koi Bhi Samne Aaney Ko Aamadah Nahi Hai Is Se Bara Saniha Is Qaum K Sath Yeh Hai K Jo Log Bairoon Mumalik Ki Pakistan Main Mudakhilat K Khilaf Hain Unki Apni Pocket Money Un Mumalik Se Bandhi Hui Hai Is Liye Unki Mukhalifat Main Koi Asar Paida Nahi Hotta Yeh Kaam Woh Log Kar Sakte Hain Jo Imaan Ka Sauda Nahi Karte Aur Unka Ittehad Honey Main Bohat Si Rukawaten Hain Lekin In Baton K Bawajood Kisi Na Kisi Ko To Sarmad O Mansoor Ban Kar Zeher Ka Yeh Piyala Peena Hoga Aur Un Bairooni Taqaton Se Barmila Kehna Hoga K Jab Hum Azaad Hain To Hamari Policy Banane Waley Aap Kaun Hotey Hain Aap Koi International Thanedaar Hain Jo Kisi Bhi Country K Muamlat Main Panchaiti Ban Kar Kood Partey Hain Aur Aapko Yeh Authority Di Kisne Hai Aur Agar Hum Azaad Hain To Phir Apni Azaadi K Liye Humen Ek Aur Jaliyan Wala Bagh Manzoor Hai Ek Aur Qurbani Dene Se Humen Inkar Nahi Lekin Is Jehad Se Qabal Pakistani Awam Ko Apne Andar Ke Mir Jafaron Ko Kaif-E-Kirdar Tak Pohchana Honga Warna Is Jad-O-Jehd Ka Anjam Bhi Tipu Sultan Se Alag Nahi Hoga Khuda Un Ghareeb Awam Per Reham Farmaye Jo Kisi Aur Ki Karni Khud Bhugat Rahe Hain Aur Bardasht Kiye Chale Ja Rahe Hain, Allah Hamar Hami-O-Nasir Ho,Pakistan Zindabad