Jaago Mere Pakistan
(Nadeem Abbas Jafri, Karachi)
Asalam Alaikum Pakistan
! Aaj Ki Ahem Khabar Yeh Hai Ke PPP Aur PML(N) Ke Beech Main Jo Dosti Ka Unsar
Election Ke Baad Se Nazar Aaraha Tha Uska Drop Sean Aaj Samne Aagaya Hai.Yahan
Main Ek Hi Baat Karna Chah Raha Hoon Ke Hum Awam Kab Tak Is Siyasi Shobda Gari
Ka Muzahira Dekhte Aur Bardasht Karte Rahen Gay,,,Mehngayi Ka Be Reham Sailab
Qaum Ko Bohat Tezi Ke Sath Tabahi Ki Taraf Liye Ja Raha Hai Aur Hum Aankhen Band
Kar Ke Kisi Mojezay Ka Intizar Kar Rahe Hain Ke Koi Aayega Aur Humen Is Azaab Se
Nijat Dilaye Ga Lekin Dar Haqiqat Yeh Mojeza Khud Hum Awam Ne Takhleeq Karna Hai
Main Apne Ek Colum Main Yeh Baat Pehle Bhi Kar Chuka Hoon Ke Yeh Waqt Sirf Ek
Khula Faisla Karne Ka Hai Aur Yeh Humne Hi Karna Hai Ke Ek Din Muqarar Karke
Awam Aiwano Se Pesha War Leaderon Ko Nikal Bahir Karen Aur Unka Ehtisab Khud
Karen Chahe Uske Liye Humen Kesi Hi Qurbani Kyun Na Deni Parey Lekin Yeh Us
Surat Main Mumkin Hai Ke Jab Hum Apni Jaan Ki Parwah Na Karte Huye Sirf Apni
Aaney Wali Naslon Ke Mustaqbil Ki Khatir Woh Kaam Kar Guzren Jo Is Se Qabal Sirf
Muhammad Ali Jinnah Se Anjam Diya Tha Unho Ne Pakistan Banaya Aaj Ussi Watan Ki
Salmiyat Dao Per Lag Chuki Hai To Kyun Na Hum Iski Hifazat Ka Beera Uttha Lain
Aur Us Khooni Inquilab Ko Ek Pur Aman Jad-O-Jehd Main Tabdeel Karke Apni Ahmiyat
Ka Saboot Dein Hum Ab Mazeed Kisi La Parwahi Ke Muthamil Nahi Ho Sakte Is Liye
Main Sirf Ek Baat Kehna Chahta Hoon Ke JAAGO MERE PAKISTAN,,,ALLAH HAMARA
NIGHEBAN