اکثر واشنگ مشین میں کپڑے رکھنے سے اس میں بو آجاتی ہے، ایسا زیادہ تر تب ہوتا ہے جب آپ اس میں گیلے کپڑے رکھ دیں یا پھر کافی دنوں تک میلے کپڑوں کو نہ دھوئیں۔ مشین سے آنے والی یہ بدبو نہایت ناگوار گزرتی ہے اور کپڑوں میں بھی بَس جاتی ہے۔
اسلیئے آج ہم لائے ہیں آپ کیلیئے کپڑوں اور واشنگ مشین میں سے اسمیل یا بدبو ختم کرنے کا وہ آسان اور سستا طریقہ جو آپ کی یہ مشکل آسان کر دے گا۔ پھر چاہے آپ کی مشین آٹو میٹک ہو یا سادہ یہ دونوں صورتوں میں بھرپور کام کرے گا۔
مشین کی بدبو دور کرنے کا طریقہ:
آئیے آپکو اسٹیپ بائے اسٹیپ بتاتے ہیں
۔ سب سے پہلے مشین میں کپڑے ڈالیں۔
۔ اس کے بعد اس میں پانی بھریں۔ جس لیول تک بھرنا ہو۔
۔ اس میں سرف ڈالیں۔ اور اس کو چلا دیں سرف ذرا سا مکس ہو جائے تو ایک منٹ بعد ہی مشین کو روک دیں۔
۔ اب آپ کو وہ طریقہ استعمال کرنا ہے جس سے آپ کی مشین کی بو ختم ہوجائے گی۔ ایک پیالے میں پانی لیں اس میں 2 چمچ بیکنگ سوڈا ڈالیں اور اس کو مکس کر لیں۔
۔ اب مشین میں وہ بیکنگ سوڈے والا پانی ڈال دیں اور مشین چلا دیں۔ یاد رکھیں بیکنگ سوڈا پانی میں ملا کر ہی ڈالنا ہے، ڈائریکٹ کپڑوں پر ڈالیں گی تو اس سے کپڑوں پر دھبے بھی پڑ سکتے ہیں اس لئے اس کو پانی میں ملا کر ڈالیں۔
۔ کپڑے دھل جائیں تو اپنی مشین کو خشک کر کے رکھ دیں۔ مشین کی بو بالکل ختم ہوجائے گی۔