بڑی عید آتے ہی گھروں میں مختلف پکوان بننے شروع ہوجاتے ہیں اور ان پکوانوں میں سب سے زیادہ کھائی جانے والی ڈش کباب ہے۔ کباب بہت قسم کے ہوتے ہیں پر عید پر سیخ کباب شوق سے کھائے جاتے ہیں پھر چاہے وہ چھوٹی دعوت ہو یا بڑی بار بی کیو پارٹی یہ ڈش ہر دل عزیز ہے۔
ایسے میں خواتین کو یہ فکر ہوتی ہے کہ کہیں ان کے سیخ کباب ٹوٹ نہ جائیں۔ آج ہم آپکو ایسی کچھ ٹپس بتائیں گے جس سے آپ کے سیخ کباب نہیں ٹوٹیںگے۔
۔ سیخ کباب بناتے ہوئے اگر اس میں آپ ڈبل روٹی کا بھیگا ہوا سلائس شامل کرلیں تو اس سے آپکے کباب نہیں ٹوٹیں گے۔ آپ سلائس پانی یا دودھ کسی میں بھی بھگا سکتے ہیں۔
۔ سیخ کباب کے مصالحے میں کارن فلاور ملانے سے بھی کباب نہیں ٹوٹتے ہیں کیونکہ یہ قیمے کو آپس میں جوڑ دیتا ہے۔
۔ سیخ کباب بناتے وقت یاد رکھیں کے کسی بھی قسم کا گلاؤ پاؤڈر یا پپیتا ہرگز استعمال نہ کریں ایسا کرنے سے آپکے کباب ٹوٹ جائیں گے۔
۔ جب بھی سیخ کباب بنانے ہوں تو قیمے کو کم از کم تین بارمشین میں پسوالیں اس سے آپ کے کباب بھی اچھے بنیں گے اور ٹوٹیں گے بھی نہیں۔