رمضان میں سونے اور اُٹھنے کی ٹائمنگ تبدیل ہو جاتی ہے اور یہی وجہ ہے کہ اکثر خواتین کو سحری میں اُٹھنے میں دیر ہو جاتی ہے یا پھر زیادہ پراٹھے بنانے میں وقت لگ جاتا ہے اور سحری کا وقت کم رہ جاتا ہے۔
اب اس مسئلے کا آسان حل جان لیں اور بنائیں گھر میں بازار جیسے فروزن پراٹھے۔
ترکیب:
سب سے پہلے ایک برتن میں ایک کپ میدہ، نمک، چینی اور گھی کو مکس کرکے گرم پانی سے طرح آٹا گوندھ لیں۔
پھر اس برتن کو ایک پلاسٹک پیپر سے ڈھک کر آدھے گھنٹے تک رکھ دیں۔
اس کے بعد اس کے درمیانے سائز کے پیڑے بنا لیں اور پھر ان کی روٹیاں بیل لیں۔
پھر جیسے گھی لگا کر رول بنا کر پراٹھا بنایا جاتا ہے ایسے بنا لیں۔
اب اس کو دوبارہ بیلیں اور پراٹھے کے سائز کا بنا لیں۔
جتنے چاہیں پراٹھے بنائیں اور پھر انہیں بٹر پیپر یا کسی پلین پلاسٹک بیگ پر ایک کے اوپر ایک رکھتی جائیں اور درمیان میں ایک ایک پراٹھا رکھیں اور فریز کر لیں۔