خواتین رمضان میں پریشان رہتی ہیں کہ آخر آج سحری میں کیا بنائیں، تو آج ہم آپ کو بتانے جا رہے مزیدار دم قیمہ بنانے کی ایسی ریسیپی کہ جب آپ قیمہ بنائیں اور اسے دم پر لگائیں گی تو پورا گھر مہک اُٹھے گا۔
دم قیمہ بنانے کی ترکیب:
٭سب سے پہلے قیمہ اچھی طرح دھو کر اس میں پسا ہوا ہلدی، دھنیا، لال مرچ پاؤڈر، ایک کپ دہی، چار چمچ کچے پپیتے کا پیسٹ، نمک، بھنی ہوئی پیاز، ہری مرچ، ہرا دھنیا، ادرک لہسن کا پیسٹ، اور لیموں ڈال کر اچھی طرح مکس کر کے ایک گھنٹہ فریج میں میرینیٹ ہونے کے لئے رکھ دیں۔
٭اب دار چینی، زیرہ، کالی مرچ، لال مرچ، الائچی اور لونگ کو اچھی طرح توے پر بھون لیں اور پھر اس کو پیس کر پاؤڈر بنا لیں۔
٭پھر میرنیٹ ہوئے قیمے کو پتیلی میں تیل گرم کر کے پکائیں اتنا کہ یہ گل جائے، اور اس پتیلی کے درمیان میں پیاز کے چھلکوں کے اندر کوئلے کا دہکتا ٹکڑا رکھ کر اس پر تیل ڈال کر دس منٹ کے لئے چھوڑ دیں۔
٭ پھر ڈش میں نکال کر اوپر سے فرائی کی ہوئی پیاز ادرک ہرا دھنیا ڈال کر گارنش کریں تیار ہے آپ کا مصالحے دار بھنا دم کا قیمہ۔