آلو کے چپس بہت کھالیئے آج بنائیے آلو کے اسپرنگ خاص چیز سوس کے ساتھ جو کھائے وہ کھاتا ہی رہ جائے۔ یہ بنے اتنی آسانی سے کہ آپ خود بھی دیکھتی رہ جائیں۔ جانیں اور آج ہی افطاری میں نیا ذائقہ کھائیں۔
ترکیب:
٭ لمبے اور درمیانے سائز کے آلوؤں کو دھو کر چھیل لیں۔
٭ ڈرم اسٹک یا کھانے کی اسٹک کو آلوؤں کے درمیان سے گزار لیں کہ اسٹک بیچ میں ہو آلو کے۔
٭ اب چھوٹی چھری کی مدد سے ایک سرے سے آلو کاٹنا شروع کریں اور گول گول کاٹتے جائیں۔
٭ دھیان سے کانٹیں تاکہ بیچ میں سے یہ گھیری ٹوٹے نہ۔
٭ اور گولائی میں کاٹتی چلی جائیں۔
٭ اس کے بعد ان کو آئل میں براؤں فرائی کرلیں۔
اس کی سروونگ کے لئے چیز سوس بنانے کی ترکیب:
٭ آدھے گلاس نیم گرم پانی میں تین سے چار چمچ کورن فلور کو اچھی طرح مکس کرلیں۔
٭ ایک کپ دودھ کو اچھی طرح ابالیں اور اس میں کھانے کا رنگ دو چٹکی ڈال کر سات منٹ تک تیز آنچ پر پکائیں۔
٭ اس کے بعد ایک کپ کریم ڈالیں اور دودھ کو مذید پکائیں پھر اس میں 150 گرام چیز ڈالیں اور پکائیں تاکہ گاڑھا ہوجائے۔
٭ پھر اس مئں کورن فلور والا پانی ڈالیں اور کچھ دیر پکاکر ٹھنڈا کرلیں۔
٭ ٹھنڈا ہونے پر اس میں آدھی پیالی مایونیز ڈالیں اور مکس کرلیں۔
٭ لیجئیے آلو کے سپرنگ تیار ہیں مزیدار سے چیز سوس کے ساتھ۔