پی سی او ایس خواتین کی صحت کا سب سے بڑا دشمن  

آج کل خواتین کے زیادہ تر امراض کی ایک ہی وجہ نکل آتی ہے۔۔۔PCOS یعنی پولی سسٹک اووریز سنڈروم۔۔۔یہ مرض ہارمون کے متوازن نا ہونے کے سبب پیدا ہوتا ہے ۔۔۔دس میں سے ہر ایک خاتون کو یہ مرض ہوتا ہے لیکن یہ سوچنا کہ اس کا علاج ممکن نہیں غلط ہے۔۔
۔اس کا سب سے پہلا علاج مریض کے اپنے ہاتھ میں ہے۔۔۔لیکن سب سے پہلے یہ جاننا ضروری ہے کہ کیا واقعی آپ اس بیماری کا شکار ہیں۔۔۔اس کی ممکنہ علامات چہرے اور جسم کے گرد غیر ضروری بال، چہرے پر اچانک نکلنے والے کیل مہاسے، موٹاپا جو کنٹرول نا ہو رہا ہو، انسولین یا شوگر کا بڑھ جانا، بالوں کا گرنا یا پتلا ہوجانا، حاملہ ہونے میں رکاوٹ ہیں۔
سب سے پہلے تو اپنی خوراک کا دھیان رکھیں اور وہ غذائیں لیں جو وزن بھی نا بڑھائیں اور بڑھی ہوئی چربی کو گھٹانے میں معاون ثابت ہوں۔۔۔ورزش اور چہل قدمی کو معمول بنالیں۔۔۔اگر آپ نے اپنا وزن کم کرنا شروع کیا تو اس مرض پر قابو پانے کا امکان چالیس فیصد تک بڑھ جاتا ہے۔۔۔
بیضہ دانی میں ہونے والی یہ چھوٹی چوٹی سسٹس یا رسولیاں خواتین میں بانجھ پن کا بھی سبب بنتی ہیں۔۔۔اور زیادہ تر خواتین اس سے نجات پانے کے بعد حاملہ ہوجاتی ہیں۔۔۔یا پھر ڈاکٹر کی ہدایات کے مطابق ادویات لینے سے بھی ان کی زندگی میں یہ خوشی آسکتی ہے۔۔۔
جو خواتین اس مشکل کا سامنا کر رہی ہیں انہیں چاہئے کہ اپنی غذا میں ہروٹین کی مقدار کو شامل رکھیں ۔۔۔میوے، انڈے، مچھلی، لال لوبیہ اور تیل میں زیتون کا تیل استعمال کریں۔۔۔ہلدی اور دارچینی کا استعمال بڑھائیں ۔۔۔اس کے علاوہ ایواکیڈو ضرور کھائیں۔۔۔
وہ غذائیں جن سے پرہیز کرنا ہے ان میں سب سے پہلے ڈیری مصنوعات ہیں۔۔۔کیونکہ یہ آپ کا انسولین بڑھاتی ہیں اور انسولین کو کنٹرول رکھنا سب سے ضروری ہے۔۔۔عام دودھ کی جگہ سویا ملک، ناریل کا دودھ ، بادام کا دودھ استعمال کیا جاسکتا ہے۔
یاد رکھئے! ہر بیماری کو شکست دینا آسان ہوجاتا ہے اگر آپ کے اندر موجود ہو اس سے جیت جانے کی لگن۔۔۔انسان ہارتا اس وقت ہے جب وہ ہار مان لیتا ہے۔۔۔

تحریر: منیزہ وسیم

Pcos Ka Ilaj

Pcos Ka Ilaj - Read the best tips, tricks & totkay of Health and Fitness. These tips and tricks are specially developed to cater your needs of Health and Fitness. Now, you do not have to visit multiple websites to be aware about the totkay related to Health and Fitness. So, just read the informative content on Pcos Ka Ilaj. These tips and tricks will surely play a great role in enhancing your beauty.

YOU MAY ALSO LIKE :