کھانا بنانے کے بعد خواتین ان کو کچن میں رکھ دیتی ہیں اور خود آرام کرنے چلی جاتی ہیں یا پھر دیگر کاموں میں مصروف ہو جاتی ہیں اور ان کو خیال نہیں رہتا کہ کھانے کی پتیلی پر ڈھکن ڈھک دیا ہے یا نہیں؟ یا ایسا بھی ہوتا ہے کہ خواتین تو کھانا ڈھک کر رکھ دیتی ہیں اور جب بچے کھانا مانگیں تو اکثر مائیں کھانا کہتی ہیں کہ خود ہی نکال لو کھانا، اس میں کوئی بُرائی تو نہیں ہے، مگر بچے کھانے کی پتیلی کو نہیں ڈھکتے جس کی وجہ سے کھانوں میں کبھی چیونٹیاں چلی جاتی ہیں تو کبھی لال بیگ۔
ایسی ہی کہانیاں ہم آپ کو بتا رہے ہیں جن کو جاننے کے بعد آپ کبھی اپنے کھانوں کو کھلا نہیں چھوڑیں گے:
٭ دودھ میں چھپکلی:
ایک لڑکی کو اس کی امی نے دودھ کا گلاس دیا جس میں انہوں نے چاکلیٹ ڈالی تھی، اور بیٹی کو پینے کے لئے دے دیا، بیٹی نے ماں سے کہا کہ امی مجھے لگ رہا ہے اس میں کچھ ہے، امی نے کہا بیٹا چاکلیٹ ہے، چونکہ کمرے میں لائٹ بند تھی، اندھیرا تھا کسی کو نظر نہ آیا کہ دودھ کے گلاس میں چھپکلی ہے، بیٹی نے پینا شروع کیا، اچانک اس کو کچھ چبتا ہوا، جب اس نے لائٹ میں جا کر دیکھا تو وہ چھپکلی تھی، جس کو دیکھتے ہی اس نے الٹیاں کرنی شروع کردی، بعد ازاں پتہ چلا کہ دودھ کی پتیلی کا ڈھکن ڈھکا ہوا نہیں تھا، جس کی وجہ سے دودھ میں چھپکلی آ گری۔
٭ چائے میں لال بیگ:
اسکول میں ٹیچرز بیٹھ کر چائے پی رہی تھیں کہ اچانک ایک ٹیچر کے کپ میں سے لال بیگ نکل کر آیا اور جب چائے بنانے والی خاتون سے پوچھا تو اس نے بتایا کہ چائے کا قہوہ بنانے کے بعد میں نے ڈھکن نہیں ڈھکا تھا، اس وجہ سے یہ اس میں آگرا، جس کے بعد چائے پینے والی ٹیچر کو دست لگ گئے۔
٭ بریانی میں لال بیگ:
ایک لڑکی آفس سے گھر گئی اس نے نوکرانی سے کھانا مانگا، تو نوکرانی نے کھانا پیش کردیا، لڑکی مزے سے بریانی کی تعریفیں کرتے ہوئے کھا رہے تھے کہ اچانک اس میں سے لال بیگ نکل آیا اور پھر اس نے آیا کو ڈانٹ کر پوچھا کہ یہ ہے تو معلوم ہوا کہ بچوں نے کھانے کو کھلا چھوڑ دیا تھا اور دیوار پر چلنے والی لال بیگ کھانے میں آ گری۔
ایسا کرنا کیوں ضروری ہے ؟
اگرآپ کھانوں کو ڈھانپ کر نہیں رکھیں گے تو ان میں اسی طرح چھپکلی وغیرہ چلی جائے گی اور یہ کھانے کھانے سے آپ کی طبیعت بگڑ سکتی ہے، کسی کو دست تو کسی کو قے، کسی کو فوڈ پوائزنگ بھی ہوسکتی ہے اور اگر کسی جانور کے اندر کسی قسم کا کوئی زہر ہوا تو وہ آپ کے جسم میں بھی داخل ہوسکتا ہے، اس لئے اپنی صحت کا خیال رکھیں۔