فیشل پورا سال ہی آپ کرتی رہتی ہیں مگر عید کی جب بات ہو تو کچھ خاص اور مزید نکھار آئے ایسا فیشل تمام ہی خواتین چاہتی ہیں تو چلیں جانتے ہیں اس عید پر کونسا خاص فیشل بنائے گا آپ کو سب کی نظر میں خاص۔
تربوز میں موجود وٹامن سی اور وٹامن اے آپ کی جلد کو نکھارتا ہے اور کھلے مساموں کے اندر چھپی ہوئی گندگی کو نکالنے میں مدد دیتا ہے۔ یہ ایک اچھے موئسچرائزر کے طور پر کام کرتا ہے۔
تربوز فیشل کا طریقہ:
٭ تربوز کی دو پھانکیں کاٹ لیں۔ اور سارا گودا نکال کر اچھی طرح بلینڈ کرلیں تاکہ اس کا رس نکل آئے۔
٭ اور تربوز کا موٹا سا جو چھلکا بچ گیا ہے اس کے اوپر تھوڑا سا دودھ ڈال کر اپنے چہرے پر خوب رگڑٰیں اور دس منٹ تک مساج کریں۔
٭ اس کے بعد منہ کو ٹھنڈے پانی سے دھو لیں پھر تربوز کے رس میں تھوڑی سی چینی ڈال کر مکس کر کے چہرے کی اسکربنگ کریں تقریباً پندرہ منٹ تک تاکہ ساری گندگی نکل آئے۔
٭ تھوڑے سے تربوز کے رس میں کارن فلور ڈالیں مکس کریں اور اس لیپ کو چہرے پر لگا کر کچھ دیر کے لئے چھوڑ دیں۔
٭ ٹھنڈے پانی سے منہ دھوئیں اور روئی کی مدد سے چہرے کو آہستہ آہستہ صاف کریں۔
اس طرح چہرے پر جمی میل بھی نکل جائے گی اور رنگت بھی نکھرے گی۔