گرمی ہو یا سردی اکثر لوگوں کی جلد پر بہت زیادہ آئل آتا ہے لہٰزا اب آئلی جلد کے لئے گھر بیٹھے ٹھنڈا ٹھنڈا فیشل کریں اور پائیں کلیئر، چمکدار، صاف ستھرا اور حسین چہرہ۔۔۔۔
اجزاء:
1) آئس کیوب (برف کے ٹکڑے)
2) فریج کا ٹھنڈا پانی
3) کھیرے کے سلائس
4) گلاب کا عرق
5) لیموں کا رس
6) پودینے کے پتے
7) الائچی پاؤڈر
طریقہ:
• ایک بڑے شیشے کے پیالے میں فر یج کا ٹھنڈا پانی ڈالیں اس میں چند آئس کیوب (برف کے ٹکڑے)، کھیرے کے سلائس، گلاب کا عرق، لیموں کا رس، پودینے کے چند پتےاور الائچی کا پاؤڈر ڈالیں اور ان کو ایک چمچ سے ملالیں۔
• اب اس پیالے میں آپ اپنے چہرے کو ڈالیں جس طرح بھاپ لیتے ہیں لیکن دیھان رہے کہ چہرہ پیالےکے اندر ہو اور جب سانس لینے میں دشواری ہو چہرہ باہر نکال لیں۔
• اسی طرح دس دس سیکنڈ کے وقفے سے چہرے کو اندر باہر کریں ۔۔۔ اور اس کے بعد ٹیشو پییر سے چہرے کو سکھا لیں۔
• لیجئے ہوگیا آپ کا ٹھنڈا ٹھنڈا آئس فیشل مکمل ۔۔۔
امید ہے اس فیشل سے آپ کو فائدہ بھی ہوگا اور آئل کنٹرول میں آسکے گا۔