عید کے قریب آتے ہی خواتین کو جہاں تمام تیاریاں کرنی ہوتی ہیں وہیں ان کے لئے اپنی خوبصورتی اور سج دھج بھی خوب معنی رکھتی ہے۔
اب لاک ڈاؤن میں پارلر بند ہیں عید قریب ہے اور ویکسنگ نہیں کی ہوئی تو آپ پریشان نہ ہوں۔ ہم آپ کے حسن کا خیال رکھتے ہیں۔
اب جانیں پارلر جیسا ویکس گھر میں بنانے اور اس کو لگانے کا صحیح طریقہ جو کہ آپ کے تمام غیر ضروری بالوں کو جڑ سے نکالے گا اور آپ کی جلد بھی چمکتی
دھمکتی نظر آئے گی۔
ویکس بنانے کا طریقہ:
٭ پین میں دو کپ پانی لیں اور اس کو تیز آگ پر پکائیں۔ جب پانی گرم کھولنے لگے تو اس میں ایک کپ چینی ڈال کر گاڑھا شیرہ بنالیں۔
٭ تین چمچ ٹاٹری بھی اس میں شامل کردیں اور مزید دس منٹ تک پکائیں۔
٭ پھر اس میں لیموں کا رس شامل کر کے پکائیں اور ٹھنڈا کر کے اپلائی کرلیں۔
ویکس لگانے کا صحیح طریقہ:
٭ ویکس کو تھوڑی تھوڑی جگہ پر لگائیں اور موٹے پیپر یا پرانی جینز کے کپڑے کو اس پر اچھی طرح چپکا دیں۔
٭ ایک منٹ تک کپڑے یا پیپر کو اچھی طرح چپکا رہنے دیں اور اس کے بعد بالوں کی مخالف سمت میں لگا کر زور سے کھینچ دیں۔
٭ اس طرح تھوڑی تھوڑا ویکس لگائیں اور بال ہٹا لیں۔
٭ ویکس کے بعد پھٹکری کا پانی اچھی طرح روئی کی مدد سے جلد پر لگا لیں۔
٭ پندرہ منٹ بعد ٹھنڈے پانی سے منہ دھو کر گلاب کا عرق لگا لیں۔
اس طریقے سے نہ جلد پر نشان آئیں گے اور نہ ہی دانے ہوں گے۔