اکثر خواتین مہینے میں ایک بار تو پارلر سے فیشل کرواتی ہیں جس کا اثر کچھ دن رہتا ہے لیکن اگر اچانک کوئی خاص موقع آجائے تو پارلر جانے کا ٹائم نہیں ہوتا۔ اس لئے “ہماری ویب“ کے قارئین کو منٹوں میں تیار ہونے والا ماسک بنانے کی ترکیب بتائی جارہی ہے۔
آلو اور عرقِ گلاب
ایک عدد آلو کو دھو کر چھلکا اتار لیں اور کاٹ کر گرائینڈ کرلیں۔ اس کے بعد تین سے چا چائے کے چمچ گلاب کا عرق، گرائینڈ ہوئے آلو میں ملائیں۔ اگر آپ کی جلد چکنی ہے تو ایک لیموں اور اگر خشک ہے تو ایک چمچ شہد بھی اس ماسک میں ملا دیں اور چہرے پر ماسک لگا کر خشک ہونے دیں اور پندرہ منٹ بعد چہرہ پانی سے دھو کر صاف کر لیں۔
یہ ماسک کام کیسے کرتا ہے؟
آلو کے اندر بہت سے معدنیات اور وٹامنز ہوتے ہیں۔ اس میں بلیچنگ ایجنٹ جیسی خصوصیات ہوتی ہیں جس سے جلد میں رنگت بنانے والا میلانن کم پیدا ہوتا ہے جبکہ آلو میں وٹامن سی کی بھرپور مقدار جلد کو جواں اور جھریوں سے پاک رکھتی ہے۔ اس لئے آلو کا ماسک رنگت کو جگمگانے کے علاوہ اینٹی ایجنگ کا کام بھی کرتا ہے