ہمارے دل کا نہ در کھٹکھٹا پریشانی
Poet: بلقیس خان By: Anila, Islamabadہمارے دل کا نہ در کھٹکھٹا پریشانی
ہزار غم ہیں یہاں لوٹ جا پریشانی
میں اپنے آپ سے الجھی ہوئی ہوں مدت سے
مزید آ کے نہ الجھن بڑھا پریشانی
کسی بھی طور نہ خاطر میں لاؤں گی تجھ کو
مجھے نہ اپنے یہ تیور دکھا پریشانی
میں اپنا درد سنا آئی ہوں درختوں کو
مجھی کو کیوں رہے لاحق سدا پریشانی
عجب سوار ہے وحشت سو مجھ سے بچ کے گزر
میں نوچ ڈالوں گی چہرا ترا پریشانی
Rate it: 
Views: 455
12 Aug, 2021
More Sad Poetry
