Add Poetry

خالی ہے ابھی جام میں کچھ سوچ رہا ہوں

Poet: Abdul Hamid Adam By: umer, khi
Khaali Hai Abhi Jaam Mein Kuch Soch Raha Hon

خالی ہے ابھی جام میں کچھ سوچ رہا ہوں
اے گردش ایام میں کچھ سوچ رہا ہوں

ساقی تجھے اک تھوڑی سی تکلیف تو ہوگی
ساغر کو ذرا تھام میں کچھ سوچ رہا ہوں

پہلے بڑی رغبت تھی ترے نام سے مجھ کو
اب سن کے ترا نام میں کچھ سوچ رہا ہوں

ادراک ابھی پورا تعاون نہیں کرتا
دے بادۂ گلفام میں کچھ سوچ رہا ہوں

حل کچھ تو نکل آئے گا حالات کی ضد کا
اے کثرت آلام میں کچھ سوچ رہا ہوں

پھر آج عدمؔ شام سے غمگیں ہے طبیعت
پھر آج سر شام میں کچھ سوچ رہا ہوں

Rate it:
Views: 2826
17 Jan, 2020
Related Tags on Abdul Hamid Adam Poetry
Load More Tags
More Abdul Hamid Adam Poetry
Popular Poetries
View More Poetries
Famous Poets
View More Poets