Add Poetry

آ گئی یاد شام ڈھلتے ہی

Poet: Munir Niazi By: Sahar, khi
Agai Yaad Shaam Dhalte Hi

آ گئی یاد شام ڈھلتے ہی
بجھ گیا دل چراغ جلتے ہی

کھل گئے شہر غم کے دروازے
اک ذرا سی ہوا کے چلتے ہی

کون تھا تو کہ پھر نہ دیکھا تجھے
مٹ گیا خواب آنکھ ملتے ہی

خوف آتا ہے اپنے ہی گھر سے
ماہ شب تاب کے نکلتے ہی

تو بھی جیسے بدل سا جاتا ہے
عکس دیوار کے بدلتے ہی

خون سا لگ گیا ہے ہاتھوں میں
چڑھ گیا زہر گل مسلتے ہی

Rate it:
Views: 3263
15 Jul, 2019
More Munir Niazi Poetry
Popular Poetries
View More Poetries
Famous Poets
View More Poets