اسلام آباد۔26اپریل (اے پی پی):سپیکر قومی اسمبلی سردار ایاز صادق نے رولنگ دی ہے کہ جس وزارت کا بزنس ایوان میں لیا جائے گا اگر آئندہ اس وزارت یا محکمے کا جوائنٹ سیکرٹری کی سطح کا آفیسر ایوان میں موجود نہ ہوا تو سیکرٹری کو طلب کیا جائے گا۔
جمعہ کو قومی اسمبلی میں پٹرولیم ڈویژن سے متعلق بلوچستان بالخصوص کوئٹہ میں سوئی گیس کمپنی کی طرف سے اضافی بلوں اور اضافی سروس چارجز سے متعلق توجہ دلائو نوٹس ایوان میں لائے جانے سے قبل سپیکر قومی اسمبلی سردار ایاز صادق نے وزارت کے گیلری میں موجود ڈائریکٹر کو واپس بھجواتے ہوئے انہیں 5 منٹ کاوقت دیا کہ کم از کم جوائنٹ سیکرٹری کے آفیسر کو یہاں بلایا جائے گا۔
سپیکر نے کہا کہ اگر آپ لوگ اگر دلچسپی نہیں لیتے تو ہم ایڈیشنل سیکرٹری کی سطح کے آفیسر کی یہاں موجودگی یقینی بنائیں گے۔
