بیجنگ۔16اپریل (اے پی پی):چین کے قومی ادارے برائے شماریات کے ڈپٹی ڈائریکٹر شینگ لائی یون نے کہا ہے کہ چین کے جی ڈی پی میں سال بہ سال 5.3 فیصد اضافہ ہوا ہے ، سال کی پہلی سہ ماہی میں چین کا جی ڈی پی 29629.9 بلین یوآن تھا جس میں گزشتہ سال کی آخری سہ ماہی کے مقابلے میں 1.6 فیصد کا ماہانہ اضافہ ہوا۔
چینی میڈیا گروپ کے مطابق چین میں پیداوار کی طلب میں مسلسل اضافہ ہو رہا ہے، اعلیٰ معیار کی ترقی نے نئے نتائج حاصل کیے ہیں، اور قومی معیشت کی بحالی کا عمل جاری ہے اور یہ مالی سال کی ایک اچھی شروعات ہے۔
