کراچی کے شہری تو یوں بھی ڈکیتیوں کی وجہ سے رات کے وقت سڑکوں پر نکلنے سے ڈرتے ہیں لیکن اب ان کے خوف میں اضافے کی ایک اور وجہ بھی ہے۔ گزشتہ رات کراچی کے علاقے گڈاپ ٹاؤن میں ببر شیر کو کھلے عام مٹر گشتی کرتے ہوئے دیکھا گیا۔ جس کی ویڈیو اس وقت سوشل میڈیا پر وائرل ہے۔
ویڈیو میں دیکھا جاسکتا ہے کہ ببر شیر ایک جگہ مٹر گشتی کررہا ہے جبکہ دوسری ویڈیو میں شیر صاحب بیٹھے ہوئے دکھائی دے آرہے ہیں۔
شیر منہ سے جس طرح کی آوازیں نکال رہا ہے اس سے یہی محسوس ہوتا ہے جیسے وہ کسی تکلیف کا شکار ہے۔ شیر نے کسی پر بھی حملہ نہیں کیا اور ایسا لگتا ہے کہ وہ خود بھی مدد کی تلاش میں ہے۔
علاقے کے شہریوں کا کہنا ہے کہ وہ فی الحال اپنی حفاظت خود کررہے ہیں البتہ پولیس کو بھی صورتحال سے مطلع کردیا ہے۔