سینئر بھارتی اداکار نصیر الدین شاہ کے سندھی سے متعلق بیان کے بعد سوشل میڈیا صارفین نے اداکار کو نشانے پر رکھ لیا۔
بھارت کے لیجنڈری اداکار نصیر الدین شاہ اپنے ایک انٹرویو میں کہا تھا کہ سندھی زبان اب پاکستان میں نہیں بولی جاتی ۔
سوشل میڈیا صارفین نے نصیر الدین شاہ کے بیان کو نشانہ بناتے ہوئے لکھا کہ ایسی اسٹیریو ٹائپ باتیں ایسے لوگوں سے سننے کو ملتی ہیں جو کبھی سندھ آئے ہی نہیں ہیں۔
کئی لوگوں نے انہیں سندھ آنے کی دعوت دے دی کہ وہ خود پاکستان آکر سندھی زبان بولنے والوں کو دیکھ لیں۔
16اگست 1950 کو اتر پردیش میں پیدا ہونے والے نصیرالدّین شاہ 19ویں صدی کے افغان جنگجو جان فشان خان کی نسل سے تعلق ہیں۔ ان کے دیگر مشہور رشتے داروں میں افغان مصنّف ادریس شاہ، مشہور پاکستانی اداکار سید کمال شاہ اور کرکٹ کھلاڑی اویس شاہ شامل ہیں۔
نصیر الدین شاہ بھارت میں مسلمانوں کے ساتھ ہونے والے مظالم پر بھی اکثر بیانات دیتے ہیں تاہم اپنے ایک حالیہ انٹرویو میں پاکستان میں سندھی زبان کے حوالے سے بیان کی وجہ سے انہیں تنقید کا سامنا ہے۔