حکومت کی جانب سے دسویں اور بارہویں جماعت کے طلبہ کو
پاس کرنے کا فیصلہ کرلیا گیا۔
وفاقی وزیر تعلیم شفقت محمود کی صدارت میں تمام صوبوں کے وزرائے تعلیم کا اجلاس منعقد کی گیا۔
ذرائع کے مطابق حکومت میٹرک کے طلبہ اور 12 ویں جماعت کے تمام طلبہ کو پاس کرنے کا فیصلہ کرلیا ہے۔
ذرائع نے بتایا کہ فیل ہونے والے طلبہ کو رعایتی 33 نمبر دے کر پاس کیا جائے گا۔
ذرائع کے مطابق وزرائے تعلیم نے فیصلہ کیا کہ کورونا کے باعث دوبارہ فوری امتحانات ممکن نہیں لہٰذا میٹرک اور انٹرمیڈیٹ کے امتحانات سال میں دو بار ہوں گے۔
ذرائع نے بتایا کہ وزرائے تعلیم نے فیصلہ کیا کہ امتحانات کو سپلیمنٹری امتحانات کا نام نہیں دیا جائے گا۔
ذرائع کے مطابق کانفرنس میں یہ بھی فیصلہ کیا گیا کہ اگلے سال 2022 میں میٹرک کے امتحانات مئی اور جون میں ہوں گے جبکہ تعلیم کا نیا سیشن اگست سے شروع ہوگا۔
دوسری جانب سندھ کے وزیر تعلیم نے وقاقی حکومت کے اس فیصلے پر اتفاق نہیں کیا ہے, انہوں نے کہا ہے کہ سندھ میں امتحانات ہوچکے ہیں اور کورونا وبا کے دوران بہترین انداز سے امتحانات منعقد کروائے گٸے۔