پاکستان کے معروف اداکار فیصل قریشی نے حال ہی میں ایک یوٹیوب چینل کو انٹرویو دیا جس میں انہوں نے اپنی زندگی میں پیش آنے والے اہم واقعات کے بارے میں بتایا۔
فیصل قریشی سے پہلی نوکری اور پہلی تنخواہ کے حوالے سے سوال کیا گیا جس کا جواب دیتے ہوئے اداکار نے کہا کہ مجھے یاد ہے میں نے اپنی زندگی کی پہلی نوکری بچپن میں کی تھی وہ بھی ایک ٹی وی پلے میں، اس وقت میری عمر محض تین سے چار برس تھی۔ وہاں مجھے پہلی بار 70 روپے تنخواہ ملی۔
اس کے علاوہ اداکار نے انکشاف کیا کہ زندگی میں ایک ہی بار دھماکے دار چپیڑ پڑی اور وہ میری امی کی جانب سے ماری گئی کیونکہ میں ساتویں جماعت میں مطالعہ پاکستان کے مضمون میں فیل ہو گیا تھا۔
فیصل سے پہلی مرتبہ دِل ٹوٹنے کے بارے میں بھی سوال کیا گیا جس پر انہوں نے کہا کہ ہاں ایک بار دل ٹوٹا تھا جب میں اسکول میں تھا اور کافی چھوٹا بھی تھا۔
اداکار نے اپنی زندگی سے متعلق مزید کیا سچ بتائے؟ ویڈٰیو ملاحظہ کیجیے: