حال ہی میں پاکستان کے دو سب سے بڑے اور مقبول ترین ٹک ٹاک اسٹارز، کنول آفتاب اور ذوالقرنین چوہدری شادی کے بندھن میں بندھے، جس کے بعد دونوں ٹک ٹاکر کی فین فالوونگ میں بھی اضافہ ہوا ہے۔ پرستاروں کو بہت پہلے سے ہی ان کی شادی کا بے صبری سے انتظار تھا۔
حال ہی میں معروف ٹک ٹاکر جوڑی نے ایک انٹرویو دیا جس میں کنول آفتاب نے شادی کے بعد اپنے پہلے رمضان کے بارے میں گفتگو کی، انہوں نے کہا کہ رمضان کا مہینہ ہمیشہ ناقابل یقین ہوتا ہے ، آپ کو کام ، خاندانی اجتماعات اور دعاؤں سمیت ہر کام کرنے کا وقت مل جاتا ہے۔
کنول آفتاب کے شوہر ذوالقرنین نے انکشاف کیا کہ انہیں ہمیشہ کنول سے محبت تھی اور ہے ، وہ ایک شہزادی جیسی ہے ،اور وہ انہیں مل گئی تو انہیں سب کچھ مل گیا۔
اس جوڑے نے انکشاف کیا کہ ان کا پہلا روزہ بہت اچھا جا رہا ہے، اب تک ، اور دونوں رمضان اور عبادت کے لئے پرجوش ہیں۔
مذکورہ تصاویر میں دیکھا جاسکتا ہے کنول آفتاب اور ذوالقرنین اپنے اہلخانہ کے ہمراہ روزہ افطار سے پہلے دعا کر رہے ہیں۔ تصویر میں کنول کی ساس سسر اور ان کے دیور بھی افطار کرنے کے لیے موجود تھے۔