غبارے ڈیکوریشن کے لیے تو استعمال ہوتے ہی ہیں ساتھ ساتھ کئی والدین انہیں بچوں کے ہاتھ اور پاؤں پر بھی باندھتے ہیں۔ کچھ لوگوں کو تو اس کے فوائد پتہ ہیں لیکن کافی مائیں اس کی وجوہات نہیں جانتیں۔
دراصل بچے کے چلنے پھرنے سے قبل جب وہ ہاتھ پیر ہلانے لگتا ہے تو اس کے ہاتھوں اور پیروں پر ربن کے ذریعے غبارے باندھے جاتے ہیں تاکہ بچہ مصروف رہے اور ماں کو زیادہ تنگ نہ کرے۔
لیکن اس عمل کے اور بھی فائدے ہیں۔ اس سے بچے کا ذہن تیز ہوتا ہے، اس میں کسی چیز پر مکمل توجہ کرنے کی صلاحیت پیدا ہوتی ہے، غبارے پر مسلسل نظریں جمانا بچے کی صحت کے لیے مفید ہے۔
اور صرف نوزائیدہ بچے کو ہی نہیں اگر آپ چلنے پھرنے والے بچے کو بھی غبارہ کھیلنے کے لیے دیں تو یہ اس کے ذہن کے لیے کافی اچھا ہے۔