کراچی: ثانوی تعلیمی بورڈ کراچی نے السنہ شرقیہ کے سالانہ امتحانات سال2020ء کے نتائج کا اعلان کر دیا ہے۔ میٹرک بورڈ کے ناظم امتحانات عبدالرزاق ڈیپر نے بتایا کہ السنہ شرقیہ کے سالانہ امتحانات میں کل 1685 طلبا ء و طالبات نے رجسٹریشن کرائی،1518 نے امتحانات میں شرکت کی،1249امیدوار امتحانات میں کامیاب قرار پائے۔ مجموعی طور پر کامیابی کا تناسب 82.27فیصد رہا۔ انہوں نے کہا کہ طلباء وطالبات کی مارکس شیٹس ان کے دیئے گئے رہائشی پتوں پر 15دن کے اندر ارسال کر دی جائیں گی۔