پاکستان کا نمبر ایک دشمن کون؟؟

پاکستان گزشتہ گیارہ سالوں سے متعدد بحرانوں کا شکار چلتا آرہا ہے - جہاں اسے بیرونی دشمنوں کے ساتھ ساتھ اندرونی “دشمنوں“ کا سامنا بھی کرنا پڑ رہا ہے۔

اگر بیرونی دشمنوں کی بات کی جائے تو اس میں قابل ذکر امریکہ٬ بھارت اور اسرائیل ہیں- امریکہ جو کہ اپنا کام نکلوانے کے بعد ہر مشکل وقت میں پاکستان کو اکیلا چھوڑ کر بھاگ جاتا ہے- بھارت جسے پاکستانی حکومت نے حالیہ دنوں میں پسندیدہ ترین تجارتی ملک قرار تو دے دیا ہے لیکن اس سب کے بوجود کشمیر سے لیکر بلوچستان میں خلفشار کا معاملہ ہو، یا موساد، سی آئی اے اور بھارتی “را“ کا گٹھ جوڑ، ہمیشہ ہی سے پاکستان کے لئے پریشانی کا باعث رہا ہے۔ رہی بات اسرائیل کی تو وہ بھی وقتاً فوقتاً اس دشمنی میں اپنا حصہ ڈالتا رہتا ہے- لیکن ان بیرونی دشمنوں کے علاوہ پاکستان کے کچھ حکمران بھی ہیں جو کہ پاکستان دشمن عناصر کا کردار بخوبی نبھا رہے ہیں- بعض اوقات یہ اندرونی دشمن بیرونی دشمنوں سے زیادہ خطرناک ثابت ہوتے ہیں- اس وقت یہ طے کرنا مشکل ہوگیا ہے کہ پاکستان کو سب سے زیادہ خطرہ اپنے کس دشمن سے ہے٬ امریکہ سے٬ اسرائیل سے٬ بھارت سے یا پھر اپنے ہی نااہل اور کرپٹ حکمرانوں سے-

آپ کی نظر میں پاکستان کا نمبر ایک دشمن کون ہو سکتا ہے؟