|
منظر۔۲۲
رمشا اورخرم گھرکی چاردیواری کے ساتھ صحن میں الگ الگ چارپائیوں پرپاؤں
لہراکرایک دوسریکی طرف منہ کرکے بیٹھے ہیں ۔
رمشا۔۔۔۔۔خرم بیٹا آج جلدی واپس آگیاہے کام نہیں ملاکیا ؟
خرم ۔۔۔۔۔کام ملاتھا کرکے آیاہوں
رمشا۔۔۔۔۔پھرجلدی کیسے آگیا
خرم۔۔۔۔۔آج دوگھنٹے کے لیے کام ملاتھا
رمشا۔۔۔۔۔ایک دوگھنٹے کے لیے کوئی اورکام ڈھونڈ لیناچاہیے تھا
خرم ۔۔۔۔۔کوشش کی تھی مگرنہیں ملا
رمشا۔۔۔۔۔اس لیے آج جلدی آگیاہے تو
خرم ۔۔۔۔۔آپ نے ابوکوبتادیاتھا ؟ کہ میرے پاس پیسے نہیں ہوتے
رمشا۔۔۔۔۔تیرے ابونے مجھ سے کہاتھا کہ تیرا بیٹا اب پیسے چھپانے لگ گیاہے
میں نے پوچھا آپ کوایساکیوں لگتاہے کہیں اسے پیسے چھپاتے ہوئے دیکھاہے؟
تیرے ابوکہنے لگے میں نے اسے پیسے چھپاتے ہوئے نہیں دیکھا مگروہ مجھے سارے
پیسے نہیں دیتا میں نے اس وقت کہہ دیا خر م کے پاس پیسے نہیں ہوتے۔ وہ
چھپاتاکہاں ہے
خرم۔۔۔۔۔پھرابوکیابولے
ر مشا۔۔۔۔۔مجھے غصہ سے کہا کہ توبھی اپنے بیٹے کی طرف داری کررہی ہے تجھ سے
پوچھاتھا کیا
خرم ۔۔۔۔۔جی امی
رمشا۔۔۔۔۔تونے کیاجواب دیا
خرم ۔۔۔۔۔میں نے کہا امی نے مجھ سے دوچاربارایک ہزارروپے مانگے میرے پاس
ایک ہزارروپے بھی نہیں تھے ۔
۔۔۔۔۔۔۔۔۔۔
منظر۔۲۳
سلیمان، نذیراورجاویدکھیتوں کے کنارے زمین پربیٹھے ہیں۔
جاوید۔۔۔۔۔یوں کھیتوں میں ہمیں زمین پرکیوں بٹھارکھاہے۔
مسعود۔۔۔۔۔چارپائیوں اورکرسیوں پربھی بیٹھناہے اورزمین پربھی
سلیمان ۔۔۔۔۔لگتاہے آپ کوبچت کرنے کافن آتاہے
نذیر۔۔۔۔۔میں بھی سلیمان کی بات سے اتفاق کرتاہوں
جاوید۔۔۔۔۔جوبات کرنے آئے ہیں وہ کریں
سلیمان ۔۔۔۔۔یہ بھی بتائیں گے کہ کیاکرناہے
نذیر۔۔۔۔۔مسعودسے ۔۔۔۔۔آپ بتائیں اب کیاکرناہے
مسعود۔۔۔۔۔میں نے تمہیں سوچنے کاوقت دیاتھا اب تم ہی بتاؤ میرے ساتھ کام
کرناہے یانہیں
جاوید۔۔۔۔۔آپ نے بتایاہی نہیں کہ کرناکیاہے ہم کیسے آپ کوکوئی جواب دے سکتے
ہیں
مسعود۔۔۔۔۔یہ تومیں اس کوہی بتاؤں گا جومیرے ساتھ کام کرے گا
سلیمان ۔۔۔۔۔ہم مشورہ کرکے آتے ہیں
جاوید، سلیمان اورنذیراٹھ کرایک طرف چلے جاتے ہیں مسعودانگلیوں سے زمین
پرلکیریں بنانااورمٹاناشروع کردیتاہے۔
جاوید، سلیمان،نذیر۔۔۔۔۔واپس آکر۔۔۔۔۔ہم آپ کے ساتھ کام کرنے کے لیے
تیارہیں
سلیمان ۔۔۔۔۔اب آپ ہی بتادیں جوپوچھ رہے ہیں
مسعود۔۔۔۔۔ہم لوگوں کی مشکلیں آسان کریں گے ان کی مالی ضروریات پوری کریں
گے
نذیر۔۔۔۔۔ہمیں اس سے کیاملے گا
مسعود۔۔۔۔۔ہم اس کی قیمت وصول کریں گے
جاوید۔۔۔۔۔ہم لوگوں کی مشکلیں کیسے آسان کریں گے
مسعود۔۔۔۔۔ہم انہیں قرضے دیں گے
اس کے ساتھ ہی مسعوداپنی جیب سے تین لفافے نکالتاہے تینوں افرادکوایک ایک
لفافہ دیتے ہوئے کہتاہے یہ پانچ ،پانچ لاکھ روپے ہیں تم لوگوں نے چھوٹے
چھوٹے قرضے دینے ہوں گے چھوٹی موٹی ضرورتیں ہوں گی
نذیر۔۔۔۔۔ہم یہ نہیں لے سکتے
مسعود۔۔۔۔۔میں تم لوگوں پراحسان نہیں کررہا یہ تم مجھے واپس کردینا ایک بات
یادرکھنا میں جوکہوں گا تمہیں وہ سب کرناہوگا یہ کہتے ہی وہ اٹھ
کرچلاجاتاہے۔
۔۔۔۔۔۔۔۔۔۔۔
منظر۔۲۴
عارف، شاہ نواز اوراﷲ نوازہوٹل کے ایک کمرے میں کرسیوں پربیٹھے ہیں۔ ایک
کرسی خالی رکھی ہوئی ہے۔ ان کے درمیان رکھی ہوئی میزپرایک ٹرے میں چائے کے
تین کپ رکھے ہوئے ہیں۔
عارف۔۔۔۔۔شاہ نواز اوراﷲ نوازسے۔۔۔۔۔تمہارے گھروالے پوچھتے توہوں گے کہ
روزانہ ہوٹل پرکیاکرنے جاتے ہیں۔
اﷲ نواز۔۔۔۔۔آپ کی بہن کئی بارپوچھ چکی ہے
شاہ نواز۔۔۔۔۔یہ سوال مجھ سے بھی ہواہے
عارف۔۔۔۔۔آپ دونوں نے ہوٹل کاساراکام سمجھ لیاہے
شاہ نواز۔۔۔۔۔آپ نے اس ویرانے میں ہوٹل کیوں بنایاہے کسی شہرمیں جاکربناتے
اﷲ نواز۔۔۔۔۔یہ ہوٹل شہرمیں ہوتا تواس کی آمدنی اوربڑھ جاتی
عارف۔۔۔۔۔یہ جگہ بہترین ہے یہ درست ہے کہ یہاں شہرکی طرح آبادی نہیں ہے۔
لیکن یہ شہر سے دوربھی نہیں ہے۔ اورآمدورفت بھی ہے۔
اﷲ نواز۔۔۔۔۔ اس کاایک فائدہ یہ بھی ہے یہ ہوٹل گھرکے نزدیک ہے موٹرسائیکل
پردس منٹ میں پہنچ جاتے ہیں
شاہ نواز۔۔۔۔۔یہاں کی آب وہوابھی شہرسے بہتر ہے
عارف ۔۔۔۔۔آپ دونوں بتائیں اب آپ نے کیاکرناہے
اﷲ نواز۔۔۔۔۔ آپ ہی بتادیں
عارف۔۔۔۔۔آپ دونوں ہوٹل کاایک ایک کام سنبھال لیں اس کی آمدنی اورخرچ آپ کی
ذمہ داری ہوگی دوسری صورت یہ ہے کہ ہم وقت بانٹ لیتے ہیں دوبندے دن میں کام
کریں اورایک رات کے وقت اخراجات کے بعد جوبھی بچت ہوگی وہ ہم تینوں میں
برابرتقسیم ہوگی اپنی بیویوں اوربچوں سے مشورہ کرکے بتادینا
۔۔۔۔۔۔۔۔۔۔
منظر۔۲۵
مظہر، غلام سرور، حورین اورثمینہ دوچارپائیوں پربیٹھ کراپنااپناسکول کاکام
کررہے ہیں۔مظہرکے سامنے ایک کتاب کھلی ہوئی ہے۔ وہ کتاب سے دیکھ کرچندالفاظ
پڑھتاہے پھرکتاب بندکرکے بارباردہراتاہے۔ حورین اورثمینہ بھی اپنی اپنی
کتابیں سامنے رکھ کرپڑھ رہی ہیں۔ ان سے کچھ فاصلے پراسحاق اورشاہ زیب کھڑے
ہیں۔
اسحاق۔۔۔۔۔شاہ زیب سے ۔۔۔۔۔ابونے تیری ایک ذمہ داری لگائی ہے وہ بھی تیرے
سے ادانہیں ہورہی
شاہ زیب۔۔۔۔۔میں وہ ذمہ داری پوری کررہاہوں
اسحاق ۔۔۔۔۔تیری توجہ تواس طرف ہے نہیں یہ ذمہ داری کیسے پوری ہورہی ہے
شاہ زیب۔۔۔۔۔وہ دیکھیں بھائی چاروں پڑھ رہے ہیں
اسحاق۔۔۔۔۔تم یہاں دورسے کہہ رہے ہو وہ پڑھ رہے ہیں۔
شاہ زیب۔۔۔۔۔کیاآپ کونہیں لگتا
اسحاق۔۔۔۔۔ ان کے پاس جاؤ
شاہ زیب ۔۔۔۔۔ہروقت ان کے سرپرکھڑارہوں کیا
اسحاق ۔۔۔۔۔ ان کی نگرانی کرو دیکھو وہ کیاپڑھ رہے ہیں کیالکھ رہے ہیں شاہ
زیب ان کے پاس آتاہے۔ مظہر ، حورین اورثمینہ اپنی اپنی کتابیں کھول کرپڑھ
رہی ہیں اورغلام سرورسفیدکاغذ پربے ترتیب اورکراس درکراس لکیریں لگارہاہے۔
شاہ زیب اسے یہ لکیریں لگاتے ہوئے دیکھ رہاہے۔ اس کے ہاتھ سے کاغذ لے
لیتاہے اورکہتاہے کھڑا ہوجا غلام سرورپریشان ہوجاتاہے شاہ زیب اس کاغذ
کوایک نظردیکھتاہے پھروہی کاغذ غلام سرورکودے کرکہتاہے پڑھ کرسنا یہ کیالکھ
رہاتھا ۔
۔۔۔۔۔۔۔۔۔۔۔۔۔۔
منظر۔ ۲۶
ہاجرہ چارپائیوں پررکھے ہوئے تکیے درست کررہی ہے۔ دوچارپائیوں کے تکیے درست
کرچکی ہے۔ تیسرے تکیے جواٹھانے لگتی ہے تودردانہ آجاتی ہے ۔
ہاجرہ۔۔۔۔۔السلام علیکم امی
دردانہ۔۔۔۔۔وعلیکم السلام بیٹی
ہاجرہ۔۔۔۔۔امی اریبہ کے سکول میں اس کی سہیلیوں کی پارٹی ہے وہ دوسوروپے
مانگ رہی ہے
دردانہ۔۔۔۔۔میرے پاس نہیں ہیں
ہاجرہ۔۔۔۔۔ابوسے یابھائیوں سے مانگ لیں
دردانہ۔۔۔۔۔تیرے بھائیوں سے میں نہیں مانگ سکتی گھرکاساراخرچہ صفدر
اوررمضان کرتے ہیں ابوکاتجھے پتہ ہے
ہاجرہ۔۔۔۔۔اریبہ نے ایسے اندازمیں پیسے مانگے نہ دیے تو۔۔۔
دردانہ۔۔۔۔۔میں کیاکروں میں بھی مجبورہوں
اسی دوران اریبہ آجاتی ہے اوراپنی ماں اوربہن کی پیٹھ کی طرف کھڑی ہوجاتی
ہے ۔
ہاجرہ۔۔۔۔۔ابوسے مانگ لیں
دردانہ۔۔۔۔۔تیرے کہنے پرمانگ لوں گی یہ توبھی جانتی ہے وہ کیاجواب دیں گے
ہاجرہ۔۔۔۔۔اریبہ کومیں کیاجواب دوں
دردانہ۔۔۔۔۔کسی دن ناشتہ کے وقت سب کے سامنے مانگوں گی
اریبہ یہ سنتے ہی واپس چلی جاتی ہے ہاجرہ تکیے کوچادرمیں لپیٹنے لگ جاتی ہے
دردانہ۔۔۔۔۔ان چادروں کوتکیے کے بغیرلپیٹ کرتکیے کے نیچے رکھ دیاکر
اس کے ساتھ ہی دردانہ وہاں سے چلی جاتی ہے۔
۔۔۔۔۔۔۔۔۔۔۔
منظر۔۲۷
سولہ سالہ نازو، ۱۳ سالہ ایمن اوردس سالہ رخسانہ گھرکے صحن میں زمین
پربیٹھی ہیں۔
رخسانہ۔۔۔۔۔مجھے بھوک لگی ہے مجھے کھانے کوکوئی چیزلاکردو
ایمن۔۔۔۔۔مجھے بھی بھوک لگی ہے
نازو۔۔۔۔۔امی کے پاس چلتی ہیں
نمرہ دھلے ہوئے برتن پرانی چارپائی پرالٹے رکھ رہی ہے۔ ایک دگچی کوہاتھ میں
پکڑکراسے باہرسے دیکھتی ہے پھردیگچی میں جھانک کرکہتی ہے جویریہ سے کئی
بارکہاہے برتن اچھی طرح دھویاکر اسے اب دوبارہ دھوناپڑے گا ۔
نازو، ایمن ،رخسانہ۔۔۔۔۔امی امی
نمرہ۔۔۔۔۔دیگچی ہاتھ میں لے کر۔۔۔۔۔کیاہوگیاہے
ایمن۔۔۔۔۔ہمیں بھوک لگی ہے
رخسانہ۔۔۔۔۔پیٹ پرہاتھ رکھ کر۔۔۔۔۔امی بھوک لگی ہے ہم نے روٹی کھانی ہے
نمرہ۔۔۔۔۔یہ کون ساوقت ہے کھاناکھانے کا
نازو۔۔۔۔۔بھوک لگی ہے اب کیاکریں
نمرہ ۔۔۔۔۔ابھی تمہاری بہن نے برتن دھوئے ہیں تھوڑی دیرصبرکرو آج کھاناجلدی
بناؤں گی
رخسانہ۔۔۔۔۔ہم نے ابھی کھاناہے
اسد۔۔۔۔۔باہرسے آکر۔۔۔۔۔نازوسے۔۔۔۔۔جاؤ امی کوکام کرنے دو
نمرہ۔۔۔۔۔یہ کہتی ہیں بھوک لگی ہے روٹی کھانی ہے
اسد۔۔۔۔۔میں ان کے لیے بسکٹ لایاہوں
اس کے ساتھ ہی وہ بسکٹ کاایک ایک پیکٹ نازو،ایمن اور رخسانہ کودے دیتاہے۔
۔۔۔۔۔۔۔۔۔۔۔۔۔
منظر۔۲۸
لیاقت اوربختاورگھرکے صحن میں کرسیوں پربیٹھے ہیں۔
بختاور۔۔۔۔۔لیاقت سے۔۔۔۔۔آپ کوایک بات کہوں براتونہیں منائیں گے
لیاقت۔۔۔۔۔ اس میں برامنانے والی کون سی بات ہے
بختاور۔۔۔۔۔آپ کاپتہ نہیں چلتا کہ آپ کسی بھی بات پرناراض ہوجاتے ہیں۔
لیاقت۔۔۔۔۔میں بلاوجہ کسی بات پرناراض نہیں ہوتا
بختاور۔۔۔۔۔آپ بات کوسمجھنے کی کوشش بھی تونہیں کرتے
لیاقت۔۔۔۔۔توبات بھی توایسی کرتی ہے
بختاور۔۔۔۔۔اس سے میں یہ سمجھ لوں کہ مجھے بات کرنے کی اجازت نہیں ہے
لیاقت۔۔۔۔۔میں نے یہ تونہیں کہا کہ توکوئی بات نہیں کرسکتی
بختاورکرسی سے کھڑی ہوجاتی ہے
لیاقت۔۔۔۔۔ابھی کہہ رہی تھی میں ناراض ہوجاتاہوں اب خود ہی
بختاور۔۔۔۔۔آپ نے بات کرنے کی اجازت بھی نہیں دی اس لیے جارہی ہوں مگرناراض
ہوکرنہیں عامرسارادن گھرمیں نکمارہتاہے جوان ہے
لیاقت۔۔۔۔۔توکیااس کی شادی کردیں
بختاور۔۔۔۔۔اسے کسی کام پرلگائیں کوئی کام سکھائیں
لیاقت۔۔۔۔۔ابھی وہ بچہ ہے لگادیں گے اسے کسی کام پر جب وقت آئے گا
بختاور۔۔۔۔۔وہ وقت کب آئے گا یہی وقت ہے
لیاقت۔۔۔۔۔کیاتین وقت کی روٹی اسے کھلانابوجھ بن گیاہے
بختاور۔۔۔۔۔میرے لیے کوئی بوجھ نہیں ہے ہوسکے تومیری بات پرغورکرنا
اس کے ساتھ ہی وہ چلی جاتی ہے۔
۔۔۔۔۔۔۔۔۔۔۔۔۔۔
|