|
|
کسی بھی عادت میں نشے کی حد تک مبتلا ہونا درحقیقت ایک
نفسیاتی مسئلہ ہوتا ہے لوگ نشے کی حد تک کسی بھی عادت میں مختلف وجوہات کے
سبب مبتلا ہو سکتے ہیں جن میں سے بعض افراد کا مقصد صرف لوگوں کی توجہ حاصل
کرنا ہوتا ہے جب کہ کچھ افراد دیگر وجوہ کی بنا پر بھی ان عادات میں مبتلا
ہو سکتے ہیں۔ اور ان عادات کو کرنے سے ان کے دماغ کو خوشی اور سکون ملتی
ہے- |
|
انسانوں کی عجیب وغریب
عادات |
آج ہم آپ کو دنیا کے کچھ ایسے عجیب انسانوں کے بارے میں
بتائيں گے جو کہ کسی نہ کسی بدترین اور منفرد عادت کا شکار ہو جاتے ہیں اور
اگر وہ یہ کام نہ کریں تو ان کو بے چینی اور پریشانی کا احساس ہوتا ہے- |
|
1: انسانی خون پینے کی
عادت |
ویسے تو یہ عادت سننے میں بہت کریہہ محسوس ہوتی ہے مگر
یہ حقیقت ہے کہ پننسلونیا سے تعلق رکھنے والی جولیا کیپلز انسانی خون پینے
کی عادت میں مبتلا ہو گئی تھیں اور 30 سال تک وہ روزانہ انسانی خون پیتی
تھیں- ان کا یہ کہنا تھا کہ اگر ان کو انسانی خون پینے کو نہیں ملتا تو وہ
سخت بے چین ہو جاتی تاہم تاریخ اس حوالے سے خاموش ہے کہ وہ یہ خون کس طرح
ہر روز حاصل کرتی تھیں- |
|
|
شاپنگ کی عادت |
انسان عام طور پر ان ہی اشیا کی خریداری کرتا ہے جس کی
اس کو ضرورت ہوتی ہے مگر اونیو مینیا نامی بیماری میں مبتلا افراد نشے کی
حد تک شاپنگ کے عادی ہو جاتے ہیں ایسے افراد کو چیزیں خرید کر تسکین ملتی
ہے- وہ غیر ضروری اشیا کی خریداری پر بھاری رقم خرچ کرتے ہیں اور اس وجہ سے
قرضے کے بوجھ میں ڈوب جاتے ہیں- مگر اس کے باوجود خود کو خریداری سے روک
نہیں سکتے ہیں یہ لوگ اپنی چیزيں اکثر گھر والوں سے بھی چھپا لیتے ہیں- |
|
|
اپنے بال کھینچنے کی
عادت |
اپنے بال کھینچنے کی عادت درحقیت ایک ایسا نفسیاتی عارضہ
ہے جو کہ برتاؤ کی خرابی کی وجہ سے ہوتی ہے اس بیماری کو ٹرائيکوٹیلومینیا
کہتے ہیں۔ اس بیماری میں لوگوں میں شدت کے ساتھ اپنے بال کھینچنے کی خواہش
پیدا ہوتی ہے۔اور اگر اس عادت میں مبتلا لوگ کسی وجہ سے اپنے بال نہ کھینچ
سکیں تو ان کے اندر شدید بے چینی پیدا ہوسکتی ہے- اس عادت کی شدت میں اگر
اضافہ ہو جائے تو ایسے افراد صرف بال کھینچ کر ان کو توڑتے ہی نہیں بلکہ وہ
اس کے علاوہ بالوں کو کھا بھی لیتے ہیں- |
|
|
راکھ کھانے کی عادت |
اس عادت میں مبتلا شخص ہر طرح کی راکھ نہیں کھاتے بلکہ خصوصی طور پر یہ
افراد سگریٹ کی راکھ کو چاٹنے اور کھانے کے شوقین ہوتے ہیں اور اس نشے میں
بھی مبتلا ہوتے ہیں۔ ان افراد کو اس عادت کی وجہ سے خون کی کمی یا انیمیا
کا مرض بھی لاحق ہو سکتا ہے یا پھر معدے اور آنتوں کے مسائل بھی پیدا ہو
سکتے ہیں- |
|
|
بار بار دل ٹوٹنے کی عادت |
اگرچہ یہ بات سننے میں بہت عجیب لگتی ہے کہ کوئی بھی انسان محبت میں ناکام
ہونا اپنی مرضی سے کیسے پسند کرے گا مگر یہ ایک حقیقت ہے کہ کچھ افراد کو
یاس پسندی اور اداس ہونے کی اس حد تک عادت ہوتی ہے کہ اس عادت کی وجہ سے وہ
اپنے محبت کرنے والے سے شدت سے پیار بھی کرتے ہیں- لیکن ہر تھوڑے دن بعد اس
سے لڑائی بھی کر لیتے ہیں تاکہ اس تکلیف کا مزہ لے سکیں- یہی وجہ ہے کہ آپ
نے اپنے قریب میں کچھ ایسے افراد بھی دیکھے ہوں گے جو کہ ہر تھوڑے دن بعد
میاں بیوی میں بے معنی باتوں پر جھگڑا ہوتا ہے یا پھر وہ بریک اپ کر کے کسی
دوسرے فرد کو تلاش کرنا شروع کر دیتے ہیں- |
|
|
یہ دنیا عجیب و غریب افراد کا ایک مجموعہ ہے جہاں پر ہر فرد اپنی مرضی سے
زندگی گزارنے کی کوشش کرتا ہے اور جب اس کو ایسا موقع نہ ملے تو وہ کسی نہ
کسی عجیب و غریب عادت کو اختیار کر لیتا ہے تاکہ اپنے اندر کے غبار کو نکال
سکے- |
|