میں خوش نصیب ہوں مجھے 5 بیٹیاں نہیں بلکہ 5 رحمتیں ملیں ۔۔ مشہور شخصیات کی بیٹیوں کے دلچسپ نام اور ان کے معنی جنہیں جاننے کے بعد آپ بھی رکھنا چاہیں

 ہماری ویب کے ناموں کے اس فیچرڈ آرٹیکل میں آپ کو بتاتے ہیں کچھ ایسی مشہور شخصیات کی بیٹیوں کے ناموں کے بارے میں جن کے ہاں صرف بیٹیاں ہیں اور یہ اپنی تمام بیٹیوں سے جی جان سے محبت کرتے ہیں۔

 مشہور شخصیات کی بیٹیوں کے نام اور ان کے معنی:



٭ شاہد آفریدی:
 شاہد آفریدی کسی تعارف کے محتاج نہیں ہیں۔ ان کی پانچ بیٹیاں ہیں اور یہ اپنی بیٹیوں کی ہمیشہ تعریف کرتے نظر آتے ہیں۔ ان کی بیٹیوں کے نام انشا، اقصیٰ، اسمارہ، اجوا اور سب سے چھوٹی عُروہ آفریدی ہیں۔
انہوں نے ماضی میں دیئے گئے انٹرویو میں بیٹیوں سے متعلق بات کرتے ہوئے کہا تھا کہ:''

میں خوش نصیب ہوں مجھے 5 بیٹیاں نہیں بلکہ 5 رحمتیں ملیں۔ قسمت والا ہوں اللہ نے بیٹیوں کی رحمت سے نوازا۔ میں اپنی بیٹیوں سے بے حد پیار کرتا ہوں۔ ''

  انشا:
  اس کے معنی ہیں: '' عبادت، تحریر، مضمون، مُکالمَہ ''۔ یہ عربی کا لفظ ہے۔ اس نام کو مصر میں بھی پسند کیا جاتا ہے۔

 اقصیٰ :
  اقصیٰ فارسی کا لفظ ہے جس کے معنی ہیں: '' مسجد کا نام، انتہا، بعید کنارہ، سرا، کامیاب، روشن، اونچا، مقدس مسجد ''۔ یہ نام مسلمانوں میں مسجدِ اقصیٰ کی وجہ سے بہت اہمیت کا حامل ہے۔

 اسمارہ:
  اسمارہ بھی ایک عربی زبان کا نام ہے۔ اور یہ لڑکیوں کے مزاج سے بڑا ملتا جلتا ہے۔ اس کے معنی خوبصورت تتلی، اڑتی ہوئی رنگ برنگی تتلی کے ہیں۔

 اجوا:
  اجوا لڑکیوں کا بڑا آسان اور منفرد نام ہے۔ یہ عربی زبان کا لفظ ہے اس کے معنی ہیں شفاء دینے والی، حسین اور برائیوں سے پاک۔

 عُروہ:
  عُروہ فارسی اور عربی کا مرکب لفظ ہے۔ جس کے معنی ہیں: '' ساتھ دینے والی، مدد کرنے والی، امید کی کرن، طُلوعِ آفتاب کی پہلی کرن۔'' اس نام کو پاکستان، سعودی عرب، فلسطین، مراکش اور ملائیشیا میں بھی پسند کیے جاتے ہیں۔


 ٭ محمد حفیظ:
 محمد حفیظ کی دو بیٹیاں ہیں ان کے نام ایمان اور امل ہیں۔

 ایمان:
 ایمان کے معنی ہیں: '' یقین رکھنے والی، قابلِ بھروسہ، محبتیں بٹورنے والی، خوش شکل'' ۔ یہ عربی زبان کا لفظ ہے۔

 امل:
 امل کے معنی ہیں: '' نیک خواہشات٬ تمنائیں، امیدیں''۔ یہ عربی اور فارسی زبان کا لفظ ہے۔

٭ شان شاہد:
 اداکار شان شاہد کی 4 بیٹیاں ہیں جن کے نام رانیہ، بہشتِ بریں، شاہ بانو اور فاطمہ شاہد ہیں۔

 رانیہ:
 رانیہ فارسی کا نام ہے۔ جس کے معنی ہیں: '' مضبوط، چٹان کی طرح سخت، روشن خیال، ثابت قدم، صاف گو، نظر جما کَر دیکھنا , ٹِکٹِکی باندھ کَر دیکھنا , غور کرنے والی اور چیزوں کو جلدی سمجھنے والی لڑکی ہیں۔''

 بہشتِ بریں:
  یہ نام قدیم ناموں میں سے ایک ہے جو 3 زبانوں یعنی عربی، فارسی، اردو، ہندی اور ہندکو کا مرکب ہے۔ اس کے معنی ہیں: '' جنت کی ملکہ، حُور، رانی، آسمان سے ٹپکنے والی شبنم۔''

 شاہ بانو:
 اس کے معنی ہیں: '' شہزادی، رانی، ملکہ، حسین، مقدر والی۔'' یہ نام فارسی سے اخذ کیا گیا ہے۔

 فاطمہ:
 فاطمہ نام کے معنی ہیں: '' پاک، پاکیزہ، پرہیز کرنے والی، سحر انگیز، رسولِ خُدا کی بیٹی، لیڈر، رہنما، تعریف کے قابل ''۔ اس کا لکی نمبر 9 ہے۔ یہ نام خوش قسمتی کی علامت سمجھا جاتا ہے۔ فاطمہ نام کی لڑکیوں کا مزاج بہت زیادہ غصے والا ہوتا ہے یا پھر بہت زیادہ رحم دل۔ ان کے مزاج کو کم ہی لوگ سمجھ پاتے ہیں۔ یہ محنت کرنے میں کوئی کمی نہیں چھوڑتیں۔  اس نام کا تعلق عرب سے ہے۔ یہ نام سب سے پہلے حضرت محمد ﷺ کی بیٹی کا رکھا گیا تھا۔ اس کے بعد یہ نام دنیا بھر میں خوب مشہور ہوا۔ا۔
 

 ٭ عدنان شاہ :
  اداکار عدنان شاہ کی دو بیٹیاں جڑواں ہیں اور دونوں کے نام ہیں '' منت اور روشنی ''۔

  منت :
  خواہش، خوابوں کی تعبیر، جو چاہے اسے پانے کی صلاحیت رکھنے والی۔'' یہ عربی نام ہے جسے ترکی کے لوگ بھی بہت پسند کرتے ہیں۔

  روشنی :
روشنی کے معنی: '' اجالے کی کرن، اپنی شخصیت سے لوگوں کو مائل کرنے والی۔'' یہ اردو کا نام ہے مگر ہندو بھی اس نام کو رکھنا پسند کرتے ہیں۔
 

 ٭ سلیم شیخ:
  اداکار سلیم شیخ کی بھی 3 بیٹیاں ہیں جن کے نام نامیہ، سیلینا، انعمتا ہیں۔

 نامیہ:
  نامیہ عربی سے ماخذ ہے۔ اس کے معنی ہیں: '' سنہری آنکھوں والی، خوش مزاج، بلند وقار۔''

 انعمتا:
 انمعتا کے معنی ہیں: '' برکت، خوشی، تعریف، خیال۔''انمعتا کے معنی ہیں: '' برکت، خوشی، تعریف، خیال۔''

 سیلینا:
 اس کے معنی ہیں: '' چاند، نمکین مزاج، آسمان میں ستارہ، چاند کی دیوی، روشنی، جنت، چمکدار۔'' یہ نام عیسائیوں میں بھی پسند کیا جاتا ہے اور مسلمانوں میں بھی۔
 

٭ شگفتہ اعجاز:
  اداکارہ شگفتہ اعجاز کی 5 بیٹیاں ہیں۔ جن میں سے دو کے نام عنایا اور حیا ہیں۔ ان دونوں کی حال ہی میں شادی ہوئی ہے۔

 عنایا:
  اس نام کے معنی ہیں: ''تحفہ، پیغام۔'' اس نام کی لڑکیاں اپنی بات منوانے کا ہنر خوب جانتی ہیں۔

 حیا:
 حیا عربی کا لفظ ہے جس کے معنی ہیں: '' شرم، شرم و حیا کا پیکر، چھپی ہوئی، گہری سوچ رکھنے والی۔''

 ان میں سے آپ کو کون سے نام زیادہ پسند آئے؟ ہمیں ہماری ویب کے فیس بُک پیج پر کمنٹ سیکشن میں ضرور بتائیے گا۔