چائے کی چھنی ہر گھر میں ہوتی ہے اور تقریباً سب ہی چائے کے شوقین ہوتے ہیں اس لئے جتنی زیادہ چائے بنتی ہے اتنی زیادہ چائے کی چھنی استعمال ہوتی ہے۔
لیکن عموماً ہوتا یہ ہے کہ جب بہت زیادہ چھنی کو استعمال کرلیا جائے تو اس کے چھوٹے سوراخوں میں سائیڈوں اور درمیاں میں پتی کے چھوٹے ذرے اندر رہ جاتے ہیں جس کو ہم جتنا بھی دھو لیں وہ نکلتے نہیں، یا تو کچھ نکل جاتے ہیں تو باقی اندر گھس جاتے ہیں۔
ایسے میں چائے صحیح سے چھن نہیں پاتی ہے اور اگر آپ کی بھی سٹیل کی چھنی سے کم چھنتا ہے تو پریشان ہونے کی کوئی بات نہیں ہے۔
اس کے لئے ہم آپ کو ایک آسان ٹپ بتا رہے ہیں اس کو استعمال کریں یقیناً آپ کو بھی ہمارا یہ نسخہ ضرور کارآمد لگے گا۔
ٹپ:
• چولہے کا گیس آن کریں اور ہاتھ میں مضبوطی سے سٹیل کی چھننی پکڑلیں اور اس کو سیکیں۔
• اچھی طرح سے آگے پیچھے سے اس کو درمیان سے سیکیں اور ہر تھوڑی دیر بعد چھنی کو اچھی طرح جھاڑ لیں تاکہ اندر گھسی ہوئی پتی جھڑکنے سے ساتھ ساتھ نکل سکے۔
• جب آپ دو سے تین مرتبہ ایسا کریں گی تو چائے کی چھنی بلکل صاف ہوجائے گی اور وہ دوبارہ سے نئی کی طرح کام کرے گا۔