خواتین کچن میں بہت محتاط ہو کر کام کرتی ہیں، لیکن بعض اوقات پکوان آئل گر ہی جاتا ہے۔ جس کی وجہ سے جلدی کے کاموں میں بھی دیر ہوجاتی ہے۔ کیونکہ تیل جب فرش پر گر جائے تو اس کی چکناہٹ فوری ختم نہیں ہو پاتی۔ کیونکہ تیل میں فیٹی ایسڈز پائے جاتے ہیں۔ جو دیر سے صاف ہوتے ہیں۔
یہ مسئلہ سب ہی خواتین کے ساتھ رہتا ہے اس لئے اگر آپ بھی تیل کی چکناہٹ کو فوراً صاف کرنا چاہتی ہیں تو یہ چھوٹی سی آسان ٹپ کا استعمال کریں اور اپنا قیمتی وقت بچائیں۔
آسان ٹپ:
• فرش پر تیل گر جائے تو اس پر فوری آدھا چمچ یا حسبِ ضرورت بیکنگ سوڈا چھڑک دیں۔
• اور کچھ دیر بعد آپ اس فرش کو سرف اور پانی ڈال کر رگڑ کر دھو لیں۔
آپ دیکھیں گی کہ اس طرح سے جلد ہی چکناہٹ بھی دور ہو جائے گی اور فرش بھی چمک اٹھے گا۔
اور اگر ٹائلوں کے بیچ میں تیل جم جائے تو آپ ان پر نمک چھڑک کر برش کی مدد سے رگڑ لیں اور پانی سے دھو لیں۔
یہ دونوں ٹپس آپ بھی استعمال کریں اور اپنا وقت بچائیں۔