کچن کی صفائی خواتین روزانہ ہی کرتی ہیں کیونکہ گندے کچن میں کھانا پکانے میں کراہت آتی ہے اور یہ ضروری ہے بھی ہے کہ صاف کرکے ہی کھانے کی چیزوں کو استعمال کیا جائے۔
روزانہ صاف کرنے کے بعد بھی کچن کی برنیوں، سلیپوں، دیواروں اور ٹائلوں پر ضدی چکنائی جم ہی جاتی ہے جو گھنٹوں کی محنت کے بعد بھی صحیح سے صاف نہیں ہوتی ہے جس کی وجہ سے کچن نہ ہی صاف لگتا ہے اور نہ چکنائی کی بو جاتی ہے جس سے کچن میں عجیب سا بھپکا ہوتا ہے جو قدرے معیوب لگتا ہے ۔
اب اگر آپ کے کچن میں بھی چکنائی کے ایسے داغ دھبے یا بو آرہی ہے تو اس کو ختم کرنے کے لئے آسان ترکیب بتائی جارہی ہیں جن پر عمل کرکے آپ اپنے کچن کو چکنائی سے صاف رکھ سکتے ہیں ۔
ٹپ
کچن میں موجود کسی بھی چیز پر لگی چکنائی کو صاف کرنے کا یہ سب سے آسان اور سستا نسخہ ہے۔
اکثر گھروں میں دانت صاف کرنے والے پرانے برش موجود ہوتے ہیں۔
بس آپ پرانا ٹوتھ برش لیجیئے اور اس پر کوئی سا بھی ٹوتھ پیسٹ لگائیں اور اس کو چنائی والی چیز پر چاہے وہ کوئی برنی ہو یا سلیپ، کیبنٹ ہوں یا برتن بس آپ اس برش کو اچھی طرح رگڑیں اور پانچ منٹ کے لیئے چھوڑ دیں۔
اب اس کو پانی سے دھو لیں۔
لہجیئے اب چکنائی کو بھگانا ہوا سب سے زیادہ آسان۔۔۔
تو آج ہی آزمائیں اور آپ بھی وقت بچائیں۔