تمام خواتین گھروں میں آٹا، میدہ اور بیسن تو اسٹور کرتی ہی ہیں ، مگر کیڑا لگنے سے پریشان رہتی ہیں تو ابھی کریں یہ چھوٹا سا کام اور رکھیں اپنے تمام اسٹور شدہ اناج کو محفوظ لمبے وقت تک!
آٹا میدہ اور بیسن کو محفوظ بنانے کا طریقہ:
پہلے تو آپ اپنے اسٹور کرنے والے ڈبوں کو دھو کر صاف ستھرا کرلیں اور پھر ان میں آٹا، بیسن اور میدہ ڈال لیں۔ اب آپ صرف چار سے پانچ تیز پتے جنہیں 'تیز پات' بھی کہا جاتا ہے ان ڈبوں میں ڈال لیں، اس سے نہ تو یہ اناج خراب ہوگا اور نہ ہی اس میں کیڑے لگنے کی شکایت ہوگی۔ اب آپ سوچ رہی ہوں گی کہ اس سے کہیں آٹے کا ذائقہ تو نہیں بدل جائے گا، کہیں میدہ تو کڑوا نہیں ہوجائے گا، کہیں بیسن بد مزا تو نہیں ہوجائے گا، فکر نہ کریں تیز پتہ ڈالنے سے چیزوں کو کوئی نقصان نہیں ہوگا اور نہ ان کا ذائقہ خراب ہوگا۔