ایلوویرا جلد کی خوبصورتی کے لئے اس قدر اہم ہے یہ تو آپ بھی جانتے ہی ہیں اور ہم بھی آپ کو مختلف قسم کے ایلوویرا بیوٹی نسخے بتاتے رہتے ہیں۔ اب کیونکہ عید قریب ہے تو آپ بھی ایلوویرا فیشل سے کریں اپنی جلد کو صاف اور نظر آئیں عید پر سب سے خاص۔
طریقہ:
٭ ایلوویرا کو اچھی طرح دھو لیں اس کے چھلکے اتار دیں اور اندر سے گودا نکال لیں۔
٭ ایلوویرا کے گودے کو بلینڈر میں ڈالیں اور اس کا رس نکال لیں۔
٭ اب ایک پیالی میں تھوڑا سا ایلوویرا کا رس لیں اس میں ایک چمچ دودھ ڈال کر چہرے پر لگائیں اور کچھ دیر مساج کریں۔ بعد میں گیلے کپڑے سے چہرہ صاف کرلیں۔
٭ ایلوویرا کے رس میں ایک چمچ چینی اور چاول کا آٹا ڈالیں پھر اس سے چہرے کی اسکربنگ کریں اور آہستہ آہستہ بیس منٹ تک مساج کریں تاکہ جلد نرم ملائم رہے پھر چہرے کو پانی سے دھو لیں۔
٭ ایلوویرا کے رس میں ایک چمچ شہد، ہلدی، لیموں کا رس، ایک چمچ دہی، گندم کا آٹا اور ملتانی مٹی شامل کر کے پیسٹ بنالیں پھر اس کو اچھی طرح اپنے چہرے پر لگاکر چھوڑ دیں اور سوکھنے پر ٹھنڈے پانی سے منہ دھولیں۔
اچھے نتائج چاہتی ہیں تو اس فیشل کو روزانہ استعمال کریں تاکہ آپ کی جلد انتہائی خوبصورت، خوشنما اور حسین ہوجائے گی۔