پاکستان کی بہادر بیٹی خدیجہ صدیقی نے لندن سے بار کی ڈگری حاصل کرلی  

 

لندن: پاکستان کی بہادر بیٹی خدیجہ صدیقی نے برطانوی یونیورسٹی سے وکالت کی اعلیٰ تعلیم مکمل کرلی اور اب وہ بیرسٹر بن گئیں۔
تفصیلات کے مطابق لاہور میں شاہ حسین نامی شخص کے قاتلانہ حملے سے بری طرح زخمی ہونے والی خدیجہ صدیقی نے لندن کے سٹی لا اسکول سے اپنی بار کی ڈگری مکمل کی۔
انہوں نے 12 امتحانات میں امتیازی نمبر حاصل کیے اور بیرسٹر بننے کا اعزاز حاصل کیا۔ یاد رہے کہ انہوں نے ایل ایل بی (وکالت) کی ڈگری یونیورسٹی آف لندن سے مکمل کی۔
خدیجہ صدیقی نے 6 مارچ 2019 کو سماجی رابطےکی ویب سائٹ پر اپنی تصویر شیئر کر کے بتایا کہ انہوں نے بھی یونیورسٹی آف لندن سے لاء کی ڈگری حاصل کرلی، اس کے بعد انہوں نے مزید تعلیم کے لیے سٹی لا اسکول میں داخلہ لیا۔
حکومت پاکستان نے سماجی رابطے کی ویب سائٹ پر خدیجہ صدیقی کو مبارک باد پیش کرتے ہوئے اُن کی عزم و ہمت کا ذکر کیا اور انہیں پاکستان کی بہادر بیٹی بھی قرار دیا۔
یاد رہے کہ مئی 2016 میں قانون کی طالبہ خدیجہ صدیقی پر شاہ حسین نے خنجر کے 23 وار کیے تھے، جس سے وہ شدید زخمی ہوگئی تھیں البتہ خوش قسمتی سے وہ محفوظ رہیں اور انصاف کے لیے انہوں نے جنگ بھی لڑی۔ News source : Ary news

YOU MAY ALSO LIKE :