ہمارے جسم کو سہارا دینے اور چلنے پھرنے میں ٹانگیں اہم کردار ادا کرتی ہیں چاہے جسم کے کسی بھی عضو میں تکلیف ہو ہم اپنا کام جاری رکھتے ہیں لیکن ٹانگوں میں درد ہو اور جوڑوں کی تکلیف ہو تو انسان کا جسم کچھ کرنے کی صلاحیت نہیں رکھ پاتا اور ہم ایک جگہ بیٹھ جاتے ہیں اور مضطرب رہتے ہیں-
لیکن کیا آپ کو معلوم ہے کہ آپ کی ٹانگوں اور جوڑوں میں تکلیف کس وجہ سے ہوتی ہے۔
اس کی تین اہم وجوہات ہیں
۔۔ کیلشیم کی کمی
۔۔۔ وٹامن ڈی کی کمی
۔۔۔ خون کی کمی
مگر ایسی بہت سی غذائیں ہیں جن کا استعمال کر کے ہم اپنی اس تکلیف پر قابو پاسکتے ہیں۔
کیلشیم کی کمی
کیلشیم کی کمی کو پورا کرنے کے لیے آپ دودھ، دہی، مکھن اور ایسی تمام غذائیں استعمال کریں جن میں دودھ کا استعمال ہو۔۔۔ کیونکہ دودھ ہمارے جسم کو نہ صرف مضبوط بناتا ہے ساتھ ہی کیلشیم کی بڑی مقدار پیدا کرتا ہے جس کی وجہ سے ہماری ٹانگوں کو بھی طاقت ملتی ہے اور جوڑوں میں مضبوطی بھی آتی ہے۔
وٹامن ڈی کی کمی
وٹامن ڈی کی کمی کو پورا کرنے کے لیے آپ کو چاہیے کہ انڈوں کا استعمال کریں، سورج کی صبح سویرے کی دھوپ میں کچھ دیر چہل قدمی کریں، لیس دار غذائیں جیسے بھنڈی، مچھلی اور میتھی کا استعمال کریں۔
خون کی کمی
خون کی کمی کو دور کرنے کے لیے آپ انار، جامن، چقندر، اسٹرابیری، سیب اور ہرے پتوں والی سبزیاں استعمال کریں۔
کیونکہ اگر جوڑوں اور ٹانگوں میں خون کی مقدار صحیح تناسب سے گردش کرے گی تو چلنے پھرنے کے دوران یا بغیر کسی کثرت کے ٹانگیں تھکے گی نہیں ان کو مضبوطی بھی ملے گی۔
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔