پانی ہماری زندگی کے لئے سب سے اہم ہے، اس کے بغیر رہنے کا تصور نہیں کیا جاسکتا ہے۔ کیونکہ پانی ہمارے جسم کے ہر حصے، ہر بافت اور خلیے کی نشوونما اور بڑھوتری کے لئے بے حد ضروری ہے۔
آج کل کورونا جیسا مہلک وائرس چل رہا ہے اور اس میں پانی کی کمی یا ڈی ہائیڈریشن ایک عام علامت ہے، جس سے خود کو بچانے کے لئے ہمیں زیادہ سے زیادہ پانی کا استعمال کرنا چاہئیے۔
کورونا میں کیونکہ پھیپھڑے اور نظامِ تنفس بری طرح متاثر ہوتا ہے، اور اس حالت میں اگر پانی کی کمی جسم میں ہوجائے تو جان بچنے کی امیدیں کم ہی رہتی ہیں، کیونکہ ایک طرف سانس بند ہو رہا ہے، دوسری طرف
پانی کا اندراج نہ ہونے کی وجہ سے کمزوری سے اور خون کی تشکیل نہ ہونے کے ساتھ ساتھ جسم سے زہر آلود مواد کا اخراج نہ ہونا بڑی پیچیدگیاں پیدا کر دیتا ہے۔
کورونا میں بھی پانی کی کمی اسی وجہ سے جسم میں ہوتی ہے کیونکہ وباء کے جراثیم جسم میں پھیلتے ہیں اور پانی اگر جسم میں کم ہوجائے تو یہ جراثیم تیزی سے ہمیں متاثر کرتے ہیں لیکن اگر پانی کو مکمل مقدار
میں استعمال کیا جائے تو ہمیں کورونا کے اثرات سے بچنے میں مدد مل سکتی ہے۔
پانی کی کمی کو دور کرنے کے لئے آپ کو کیا کرنا چاہئیے؟
٭ سادہ پانی دن میں آٹھ گلاس تو لازمی پیئیں۔
٭ لیموں پانی کا استعمال بھی فائدہ مند ہے۔
٭ پھلوں کے تازہ مشروبات کا استعمال کریں تاکہ تازگی بھی مل سکے۔
٭ آم ، کیلا، سیب کا مشروب استعمال کریں، ان کو کھا ئیں بھی۔
٭ متوازن غذا کے ساتھ پانی کا استعمال رکھیں۔
٭ کھانے سےپہلے، کھانے کے بعد اور درمیان میں بھی پانی کو پیتے رہیں۔
٭ کھیرے اور ککڑی کھانے سے بھی پانی کی کمی کو دور کیا جاسکتا ہے۔
٭ گلوکوز کو پانی میں شامل کرکے استعمال کریں۔