چاول تقریباً ہر گھر میں ہی بنائے جاتے ہیں اور اکثر لوگوں کو بہت پسند بھی ہوتے ہیں۔ مگر ماہرین صحت کے مطابق زیادہ چاول کھانا صحت کے لیے نقصان دہ ہوتا ہے اور اس سے وزن بھی بڑھتا ہے جس کو کنٹرول کرنا مشکل ہوجاتا ہے۔
کالے چاول کی بات کی جائے تو اس میں آئرن ، اینٹی اکسائڈنٹ اور وٹامن ای کی مقدار پائی جاتی ہے اور ماہرین صحت کا ماننا ہے کہ اگر سفید چاول کے برعکس کالے چاول کا استعمال کیا جائے تو مفید ہے کیونکہ اس کے صحت پر منفی اثرات نہیں پڑتے بلکہ اس کا استعمال ضروری ہے کیونکہ اس میں موجود منرلز آپ کو دل و شوگر جیسی بیماریوں سے بچاتا ہے۔
اس میں بڑی تعداد میں فائبر کی مقدار پائی جاتی ہے جس کا کام خون میں موجود شوگر لیول کو کم یا کنٹرول میں رکھنا ہوتا ہے اور دل کی مختلف بیماریوں سے بھی بچاتا ہے۔ لیکن شوگر کے مریض کو چاہئیے کہ وہ اس کو استعمال ڈاکٹر کی ہدایت کے مطابق کریں کیونکہ اس کا زیادہ استعمال صحت کے لیے نقصان دہ بھی ہوسکتا ہے۔
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔