کان جسم کا انتہائی نازک حصہ ہے جو سننے کا واحد ذریعہ ہے مگر اس کی صفائی کرتے وقت ہم کاٹن بڈز کو اتنی بے احتیاطی سے استعمال کرتے ہیں کہ ہمیں اندازہ ہی نہیں ہوتا کہ اس کی وجہ سے ہم سماعت سے ہمیشہ کے لئیے محروم ہوسکتے ہیں۔
کان کی صفائی کیسے کریں ؟؟
1: کان کی میل جسے ویکس کہتے ہیں اسے صاف کرنے کے لئے کاٹن بڈز کا استعمال سرے سے غلط نہیں ہے لیکن بہت آہستگی سے اس کو کان میں ڈالیں تاکہ کان کے پردے متاثر نہ ہوسکیں۔
2: روزانہ کان صاف نہ کریں بلکہ کان میں اس وقت آپ کاٹن بڈ ڈالیں کہ جب آپ کو اپنے کانوں میں کوئی بوجھ محسوس ہونے لگے، آواز ٹھیک طرح سے سنائی نہ دے یا پھر کان میں گھنٹیاں بجنے کی آوازیں آنے لگیں۔
اور پھر بھی آپ اگر راحت محسوس نہ کریں تو ڈاکٹر سے رجوع فرمائیے ۔۔
3: کان کی بڑھی ہوئی ویکس نکالنے کے لیے ائیر ویکس سوفٹنر بھی دستیاب ہوتے ہیں میڈیکل کی دکانوں پر جن کے قطرے کان میں ڈالنے سے ویکس پتلی ہو کر آسانی سے خارج ہوجاتی ہے۔
ان ویکس سوفٹنرز میں منرل آئل، بے بی آئل، گلیسرین، پر آکسائیڈ، ہائیڈروجن پر آکسائیڈ اور سالین وغیرہ استعمال کی جاتی ہے جو میل کو پتلا کر دیتی ہیں۔