نزلے میں ناک بند ہونا یا ناک سے مسلسل پانی بہنا عام بات ہے، مگر اگر ایک طرف سے ناک بہے اور ایک حصہ بند ہوجائے یا دونوں نتھنے ہی بند ہوجائیں تو یہ بہت تکلیف دہ عمل ہے اور اس کی وجہ سے سر درد سے پھٹنے لگتا ہے اور شدید اذیت ہونے لگتی ہے۔اگر کبھی ایسا ہوجائے تو اس آسان ٹپ سے اپنی بند ناک کھولیں اور آسانی سے سانس لیں۔
٭ ناک اور ہونٹوں کے درمیان مالش
ناک اور ہونٹوں کے درمیاں انگھوٹے اور انگلی کی مدد سے آہستہ آہستہ مالش کریں اور اس عمل کو تقریباً 2 سے 3 منٹ تک کریں یہ آپ کے ناک کی سوزش کو کم کرے گا اور سانس بھی آسانی سے لے سکیں گے۔
٭ گرم کپڑا ناک پر رکھیں
کپڑے کو گرم کرکے اس کو اپنی ناک پر رکھیں یہ جمی ہوئی ناک کو باہر نکالنے میں مدد دے گا اس سے سانس بھی بحال ہوجائے گی۔
٭ بھنووں کے درمیان مالش کرنا
ناک بند ہونے کے صورت میں بھنووں کے درمیان میں انگوٹھے کی مدد سے آہستہ آہستہ مالش کریں اس سے سانس کی نالیوں میں جمی ہُوئی ناک خارج ہونے میں مدد ملے گی اور یہ سانس کی نالی کی سوزش کو کم کرے گا۔
٭ بھاپ لیں
پانی گرم کرکے اس کی بھاپ لیں اور سر پر کپڑا یا تولیہ رکھ لیں تاکہ گرمائش بالوں میں نہ لگے اور سر کو پانی کے برتن مکی جانب جھکا کر رکھیں تاکہ ناک میں گرمائش جائے اور اس طرح ناک بہہ کر ساری سوزش ختم ہوجائے گی۔
٭ وکس لگائیں
ناک پر وکس لگا کر کچھ دیر ہواکے بغیر بیٹھ جائیں ، اس سے بھی آپ کو افاقہ ہوگا۔
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔