وائٹننگ فیشل تو آپ بھی کرواتی ہوں گی کیونکہ اس سے جلد صاف اور چمکدار ہو جاتی ہے مگر ہر ماہ پارلر جانے کا وقت نہیں ملتا ہے تو آپ گھر میں موجود خالص چیزوں سے یہ بیوٹی بسکٹس تیار کریں اور ان سے اپنے چہرے کا سکرب کریں پھر کمال دیکھیں۔
بسکٹس ٹپ:
٭ ایک چمچ میدہ، ایک چمچ کارن فلور، ایک چمچ بیکنگ پاؤڈر کو اچھی طرح مکس کرلیں۔
٭ پھر اس میں چار چمچ کھٹی دہی یا وہ دہی جو خراب ہوگیا ہے اس کو شامل کریں۔
٭ ان سب کو بلینڈر میں ڈال کر بلینڈ کرلیں۔
٭ پھر اس مکسچر میں ایک چمچ سرکہ، ایک چمچ چاول کا آٹا اور دو چمچ چینی ڈال کر اچھی طرح چمچ کی مدد سے مسک کریں۔
٭ اب اس پیسٹ کی چھوٹی چھوٹی بالز بنا لیں اور چاہیں تو ان کو بسکٹ کی طرح بنا کر رکھ لیں۔
٭ روزانہ ایک بسکٹ لے کر چہرے کی سکربنگ کریں اچھی طرح رگڑیں چہرے پر تاکہ کھلے مساموں کی صفائی ہو جائے۔
٭ سکربنگ کے بعد چہرے پر کچھ دیر کے لیئے نمک کا پانی لگا کر چھوڑ دیں۔
٭ پھر سادے پانی سے منہ دھو لیں۔
فائدہ کیوں؟
٭ اس ٹپ میں شامل ہے دہی جس میں کیلشیئم، پوٹاشئیم اور زنک موجود ہوتا ہے اور جب دہی کھٹا ہو جائے تو اس میں مزید اینٹی بیکٹریل خصوصیات بنتی ہیں جو جلد کی صفائی کرنے میں سب سے سستی اور مفید ہوتی ہیں، ساتھ ہی اس میں سرکہ اور بیکنگ پاؤڈر موجود ہے جن میں موجود الکلائن کھلے مساموں کے اندر موجود گندگی کو خارج کرنے میں مدد دیتا ہے۔ یہی وجہ ہے کہ اس ٹپ سے آپ کو جلد از جلد فائدہ ہوتا ہے۔
نمک کا پانی کیوں؟
٭ نمک کا پانی سکربنگ کے بعد لگانے سے اسکن ہائیڈریٹ رہتی ہے اور نمکیات کی وجہ سے داغ دھبے بھی جلد کنٹرول ہو جاتے ہیں۔
ایک اور فائدہ:
اس ٹپ کا ایک اور فائدہ یہ بھی ہے کہ جن خواتین کو آنکھوں کے گرد کالے گھیروں کی شکایت ہوتی ہے تو وہ ان بسکٹس کو آنکھوں پر 15 منٹ کے لیئے رکھ کر لیٹ جائیں، اس سے یہ کالے گھیرے اور آنکھوں کے اطراف کی جلد بھی صاف ہو جاتی ہے۔