Add Poetry

لگتا نہیں کہ آئے گا روزِ جزا ابھی

Poet: Dr. Khurshid Ahmed Bazmi By: Khurshid Bazmi, Manchester

لگتا نہیں کہ آئے گا روزِ جزا ابھی
مایوس آدمی سے نہیں ہے خدا ابھی

‎کچھ لوگ آج بھی ہیں شرافت کے پاس دار
‎ اس دہر سے اٹھی نہیں شرم و حیا ابھی

مانا کہ چار سو ہے جفاؤں کی اک فضا
آتی ہے اِن رُتوں میں بھی بوئے وفا ابھی

کیسے یقین آئے کہ وہ ہم میں اب نہیں
کچھ دیر تو لگے گی ہوا ہے جدا ابھی

اے زندگی سو بار جو چاہے تو مجھ سے جیت
ہے مجھ میں ہارنے کا بہت حوصلہ ابھی

لاتا میں ظرفِ لطف کو اوجِ جنون تک
لیکن یہ میرے شوق کی ہے ابتدا ابھی

بے وجہ اضطرابِ دل و جاں ہوا ہے کم
لگتا ہے دل سے دی ہے کسی نے دعا ابھی

Rate it:
Views: 303
15 Aug, 2017
Related Tags on Life Poetry
Load More Tags
More Life Poetry
Popular Poetries
View More Poetries
Famous Poets
View More Poets