Kabhi Teer To Kabhi Talwar Hein Teri Ankhen

Kabhi Teer To Kabhi Talwar Hein Teri Ankhen
Seedha Dil Pe Karti Waar Hein Teri Ankhen

Mein In Ki Gherai Mein Dooba Rehta Hoon
Mere Liye Aisa Manjdhar Hein Teri Ankhen

Tumhein Kisi Muhafiz Ki Koi Zaroorat Nahi
Khud Hee Aik Hathyaar Hein Teri Ankhen

Suna Hai Jab Se Tum Meri Divani Hui Ho
Raat Bhar Rehti Behdar Hein Teri Ankhen

Inhein Asghr Ke Siwa Kuch Nazar Nahi Aata
Mere Ishq Mein Griftar Hein Teri Ankhen