اپنے پوتے ہادی کی سالگرہ پر (ہادی کے نام)

آتی دل سےصدا ہے یہ میری
خوش رہو میاں دعا ہے یہ میری
پھیلی ہے خوش بو چار سو تجھ سے
سج رہی ہے یہ کہکشاں تجھ سے
انجمن بھی سجی ہے یہ تجھ سے
جان تجھ پر فدا ہے یہ میری
آتی دل سےصدا ہے یہ میری
خوش رہو میاں دعا ہے یہ میری
دور غم تیری زندگی سے ہو
شمع روشن علم کی تجھ سے ہو
پاش یہ کوہسار تجھ سے ہو
پیار تیرا ادا ہے یہ میری
آتی دل سےصدا ہے یہ میری
خوش رہو میاں دعا ہے یہ میری