Add Poetry

Talakh ayaam mein thorra SAA jo muskuratay hain!!

Poet: S. Sadia Amber Jilani By: Syeda Sadia Amber Jilani, FaisalAbad,Punjab,Pakistan.

Talakh Ayaam Mein Thorra Saa Jo Muskuratay Hain
Tumharay Saath Mein Khud Ko Hum Jeena Seekhatay Hain

Barray Tarikay Hain Un Ko Aazmanay K
Barray Salikay Say Humhen Woh Aazmatay Hain

Kartaas-E-Dill Pay Likhtay Hain Barray Shouq Say Naam Apna
Barray Zouq Say Purzay Phir Hawao'n Mein Urratay Hain

Woh Jo Hain Bikhray Say Routhay Aur Ujrray Say
Guzar Kar Jaa'n Say Apna Pass-E-Wafaa Nibhatay Hain

Kai Tofaan Rakhtay Hain Hum Khamoshi Mein Apni
Kai Sagar Chupkay Say Aankhon Mein Chupatay Hain

Tumhen Maloom Hi Kiya Hain Halaat Udaas Logon K
Aao Aaj Tumhen Hum Sab Kuch Batatay Hain

Aankhen Be-Khuab Rehti Hain Lafaz Be-Awaaz Rehtay Hain
Dill Hasaas Ho Jaen Tu Khud Ko Khud Satatay Hain

Bohat Hi Khoubsurat Hai Jazba Amber Muhabat Ka
Najaanay Log Q Khud Ko Nafrat Mein Jalatay Hain

Rate it:
Views: 300
05 Jun, 2016
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets