Add Poetry

پت جھڑ میں بہاروں کی فضا ڈُھونڈ رہا ہے

Poet: مرید باقر انصاری By: مرید باقر انصاری, Karachi

پت جھڑ میں بہاروں کی فضا ڈُھونڈ رہا ہے
پاگل ہے جو دُنیا میں وَفا ڈُھونڈ رہا ہے

خُود اپنے ہی ہاتھوں سے وہ گھر اپنا جلا کر
اَب سر کو چُھپانے کی جگہ ڈُھونڈ رہا ہے

کل رات کو یہ شخص ضیا بانٹ رہا تھا
کیوں دِن کے اُجالے میں دِیا ڈُھونڈ رہا ہے

شاید کے ابھی اُس پہ ذوال آیا ہوا ہے
جُگنُو جو اندھیرے میں ضیا ڈُھونڈ رہا ہے

کہتے ہیں کہ ہر جاہ پہ موجُود خُدا ہے
یہ سُن کے وہ پتَّھر میں خُدا ڈُھونڈ رہا ہے

اُسکو تو کبھی مُجھسے محبت ہی نہیں تھی
کیوں آج وہ پھر میرا پتا ڈُھونڈ رہا ہے

کِس شہرِ مُنافِق میں یہ تُم آ گۓ باقرؔ
اِک دُوجے کی ہر شخص خطا ڈُھونڈ رہا ہے

Rate it:
Views: 2673
12 Feb, 2016
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets