Add Poetry

آلامِ زندگی نے تو کر دی حرام عید

Poet: Rana Hussain By: Rana Hussain, Houston TX

آلامِ زندگی نے تو کر دی حرام عید
کیسے بتاؤں کیسے گذاری ہے شامِ عید

آنسو نہیں ٹہرتے سنبھلتا نہیں یہ دل
کرتی ہوں ٹُوٹے لہجے میں سبکو سلام عید

بانہیں گَلے میں ڈال کے چہرے کو چُوم لوں
ہوجائے میرے واسطے پھر تو دوام عید

ہے خوش کوئی بہت تو کوئی زار زار ہے
کسطرح چل رہا ہے یہاں پر نِظام عید؟

تیرے فِراق میں میری دنیا اُجڑ گئی
نوحے میں ہجر کے بھی میں دونگی پیام عید

تیرے بغیر دل نہیں لگتا کہیں مِرا
تجھ سے بِچھڑ کے کیسے مناؤں میں شام عید

بِن تیرے گویا روح سے ہے جِسم بھی جُدا
گر پاس تم نہیں تو ہے یہ نا تمام عید

شاید مجھے سکون بھی تھوڑا سا مِل سکے
ہونٹوں سے اب ادا جو ہُوا ہے پیام عید

چہرہ حسین باتیں تِری دلنشین ہیں
دیدار تیرا عید ہے تیرا کلام عید

سر کو جُھکا سجدوں میں مانگا فقط تجھے
رعنا نے ہر دعا کی کِیا ہے بَنام عید

Rate it:
Views: 421
30 Jan, 2016
Related Tags on Sad Poetry
Load More Tags
More Sad Poetry
Popular Poetries
View More Poetries
Famous Poets
View More Poets